МИБ сохта сертификатчини фош қилди

Бюронинг Тошкент шаҳар бошқармаси ходимлари фуқароларга давлат қиёслаш сертификатларини пора эвазига қалбакилаштириб, 150.000 сўм миқдоригача бўлган пулларни олиб, бир қатор ноқонуний ҳатти-ҳаракатлар содир этган “Тошшаҳаргаз” ҳудудий филиали ходими Р.К. эканлигини фош қилди.

Жумладан, Яшонобод тумани Мирғоб кўчасидаги 35-уйда яшовчи фуқаро К.Р.хонадонидаги газ ҳисоблагичини навбатдаги давлат қиёслашдан ўтказиб беришини сўраганида “Тошшаҳаргаз” ҳудудий филиали ходими Р.К. рози бўлиб эвазига 150.000 сўм пул беришини айтади. Хонадон эгаси уй ҳисоблагичларини 150.000 сўм пул бериб давлат қиёслашдан ўтказишга рози бўлади.

Орадан 2-3 кун ўтгандан кейин Мирғоб кўчасидаги 35-уй бориб, оқ вараққа унинг ҳисоб рақамини, ҳисоблагич русумини ва давлат рақамини ёзиб ва хонадондаги газ ҳисоблагичини ечиб олиб келишилган пулнинг олдиндан 100.000 сўмини олиб, Яшнобод туманида жойлашган “Кадишева” бозори ёнидаги фото салонга бориб, ўзида мавжуд бўлган лекин фойдаланилган серктификатни бериб, уни сканерлашни ва ручкада ёзилган ёзувларни ўчириб беришини сўрайди.

Шундан сўнг, фото салон ишчиси Р.К. айтган илтимосларни бажариб, сертификатда ручкада ёзилган жойларини ўчириб, оқ қоғозга рангли қилиб 6 дона қалбаки сертификатни тайёрлаб беради ва 10 кундан кейин “Тошшаҳаргаз” ҳудудий филиали ходими Р.К. юқоридаги манзилдаги
К.Р. хонадонига бориб, газ ҳисоблагичини ўрнатиб, қўлбола усулда тайёрланган сертификатни уй эгасига тақдим қилади. Лекин хонадон эгаси сохта сертификат эканлигини сезмайди ҳам.

Р.К. ноқонуний ҳатти ҳаракатларини давом эттириб, Яшнобод тумани Қашқадарё 1-тор кўчаси 1-уйда яшовчи фуқародан, Ахсикат кўчасидаги яна бир хонадон эгаларидан сохта ясалган сертикфикатни бериб, газ ҳисоблагични ўрнатиб бериб эвазига ҳар бир хонадондан 150.000 сўм миқдоридаги ноқонуний ишлари учун пора олганлиги аниқланди.

Ҳозирда суриштирув ишлари олиб борилмоқда. “Замин” янгиликларини “Twitter”да кузатиб боринг