МИБ 11 млрд сўмни ундириб берди

Мажбурий ижро бюроси Юнусобод туман бўлими иш юритувида ундирувчи “Asia alliance bank” АТБ фойдасига қарздорлар “Petroleum tools services” МЧЖ ва “Feron servis” МЧЖлардан солидар тартибда 11 млрд. сўмдан зиёд пул маблағларини ундириш тўғрисидаги ижро ҳужжати мавжуд эди.

Олиб борилган ижро ҳаракатлари давомида қарздор “Feron servis” МЧЖ номига рўйхатга олинган кўчмас мулк объектлари рўйхатга олиниб, белгиланган тартибдда хатланди.

Шундан сўнг, қарздорга тегишли Тошкент шаҳар, Яккасарой туманида жойлашган савдо комплекси 13 миллиардан ортиқ сўмга баҳоланган ва электрон онлайн-аукционларни ташкил этиш маркази орқали “E-IJRO AUKSION” ягона электрон савдо майдончасида мазкур кўчмас мулк объекти 13 млрд. 291 млн. сўмдан ортиқ нархда сотилиб, “Asia alliance bank” АТБ.нинг 11 миллиарддан зиёд пул маблағлари тўлиқ ундириб берилди.

Ушбу ҳолат бўйича “Asia alliance bank” анционерлик тижрат банки маъмурияти Бюро ходимларининг ишга бўлган масъулияти ва ҳалоллиги учун ташккурнома йўллади.

Албатта бундай ундирувлар банк муассасаларининг хизматларини кўрсатиш сифатини ошириш ва мижозларга қулайликлар яратишда муҳим омилдир.