22:36 / 21.02.2019
9 996

Зокиржон Алматов: "Бугунги кунлар осонликча келмаган" (фото)

Зокиржон Алматов: "Бугунги кунлар осонликча келмаган" (фото)
Ички ишлар вазири маслаҳатчиси, генерал-полковник Зокиржон Алматов Ўзбекистон Миллий университетда бўлиб ўтган учрашувда мустақиликнинг дастлабки кунларидаги қийинчиликлар ҳақида сўзлаб берди.

«1991 йил. Мустақиллик эълон қилинди. Озиқ-овқат захираси нари борса бир ҳафтага етар-етмас қолган. Ҳукумат раҳбарлари олдида бир масала: нима қиламиз ва вазиятдан қандай чиқамиз?

Бош урилмаган эшик қолмади. Қайсидир давлатлар дўстлик қилди... кимдир томошабин, кимдир... Бу кунлардан ўтдик.
Ҳали ёш, оёққа туриб улгурмаган давлатга «мен эгалик қилишим керак», деган иддаолар билан минбарга чиқиб ёшларни йўлдан урувчи, сохта сиёсатчилар пайтдан фойдаланиш пайига тушдилар. Бу ҳам ўтди...

Халқ ичида уюшган жиноятчилик, рэкет деган тўдалар ёйилди. Улар халқнинг мол-мулкига ҳеч иккиланмай эгалик қилиши ҳолатлари, қотилликлар авж ола бошлади. Уларни жиловлашга эришиш ҳам осон бўлмади...
Терроризм, ислом ниқоби остида экстремистлар гуруҳи, миссионерлар фаолияти пана-паналарда ёшларни заҳарлашга ўтди.
Миллатни ичидан емирувчи иллат гиёҳвандлик, наркотик моддалар олди-сотдисига қарши тизимли кураш керак бўлди.



Бу тинч ва хотиржамлигимиз бор кунларимизга етиш осон бўлмаган. Етарлича қурбонликлар бўлган. Бугун мисли кўрилмаган янгиланишлар, изланишлар кетяпти. Унинг ортида эса уйқусиз тунлар, заҳматли меҳнатлар ётибди. Бор ҳаракатларимиз эса сиз ёшлар учун. Сизлар юртимиз эгасиз. Кучли давлатга чуқур билим, тинимсиз изланиш, фидойилик ва ватанпарварлик билан эришамиз», генералнинг сўзларини келтирмоқда Миллий университет матбуот хизмати.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Зокиржон Алматов: "Бугунги кунлар осонликча келмаган" (фото)