Сурхондарё вилояти ҳокими ишдан олинди (фото)

Сурхондарё вилояти ҳокими Баҳодир Пўлатов лавозимидан озод этилди.

Kun.uz нашри хабар беришича, 1 апрель куни Ўзбекистон бош вазири Абдулла Арипов Сурхондарё вилоятида йиғилиш ўтказган. Йиғилиш давомида вилоят ҳокими Халқаро бахшичилик санъати фестивалига тайёргарлик ишлари кўнгилдагидек олиб борилмагани учун жиддий танқид қилинган ва ишдан олинган.

Маълум қилинишича, вилоят ҳокимининг биринчи ўринбосари Тўра Боболов вақтинчаликка ҳоким вазифасини бажарувчи этиб тайинланган.

^{Фото: Ёқутистон ахборот агентлиги}
Баҳодир Пўлатов 2018 йилнинг ёзида Самарқанд вилояти ҳокимлигига ўтказилган Эркинжон Турдимов ўрнига Сурхондарё вилоятига ҳоким этиб тайинланганди.

У муқаддам Қашқадарё ва Тошкент вилоятларида прокурор бўлиб ишлаган.
Маълумот учун, Сурхондарё вилоятининг Термиз шаҳрида 5-10 апрель кунлари илк бор халқаро бахшичилик санъати фестивали ўтказилади.

Бундан аввалроқ, I Халқаро бахшичилик санъати фестивалига бағишлаб бойсунлик ҳунармандлар томонидан дунёда энг катта сўзана тикилгани хабар қилинганди. “Замин” янгиликларини “Facebook”да кузатиб боринг