Ўзбекистонда куёвдан катта келинлар сони 11 мингдан ошди: Ҳудудлар рейтинги

Ўзбекистонда оила қуриш анъаналарида ўзига хос рақамлар қайд этилмоқда. Миллий статистика қўмитаси эълон қилган сўнгги расмий маълумотларга кўра, 2025 йилда мамлакат бўйча 11 040 та никоҳда келиннинг ёши куёвникидан катта бўлган.

Давлат рўйхатидан ўтказилган ушбу оилавий кўрсаткичлар жамиятдаги никоҳ ёши тенденциялари ва ҳудудлар кесимидаги фарқларни яққол кўрсатиб бермоқда.

Тошкент шаҳри пешқадам, Сирдарёда энг кам

Статистик маълумотларга кўра, келиннинг ёши куёвникидан катта бўлган оилалар сони бўйича пойтахт Тошкент шаҳри сезиларли фарқ билан пешқадамлик қилмоқда.

Ҳудудлар кесимидаги кўрсаткичлар (рейтинг):

1. Тошкент шаҳри — 1 809 та никоҳ

2. Хоразм вилояти — 1 066 та

3. Қашқадарё вилояти — 995 та

4. Бухоро вилояти — 979 та

5. Самарқанд вилояти — 967 та

6. Тошкент вилояти — 928 та

7. Сурхондарё вилояти — 850 та

8. Қорақалпоғистон Республикаси — 772 та

9. Фарғона вилояти — 715 та

10. Наманган вилояти — 509 та

11. Андижон вилояти — 486 та

12. Жиззах вилояти — 373 та

13. Навоий вилояти — 351 та

14. Сирдарё вилояти — 240 та

Ижтимоий ва демографик манзара

Рақамлар шуни кўрсатадики, йирик ва урбанизация даражаси юқори бўлган ҳудудларда келиннинг ёши катта бўлган никоҳлар сони нисбатан кўпроқ қайд этилган. Хусусан, Тошкент шаҳри, Хоразм, Қашқадарё ва Бухоро вилоятлари ушбу рўйхатда дастлабки қаторларни эгаллашган.

Статқўмнинг таъкидлашича, ушбу маълумотлар 2025 йил давомида ФҲДЁ органлари томонидан расман рўйхатга олинган никоҳлар асосида шакллантирилган.

Фикрингизни изоҳда қолдиринг ва мақолани танишларингизга Telegram ёки бошқа ижтимоий тармоқларда улашинг!