Андижондаги автосалонда ёнғин содир бўлди (фото)

  • 04 август 2019, 14:48
  • 1 028
  • Жамият
  • Андижондаги автосалонда ёнғин содир бўлди (фото)
    Андижон шаҳрининг Айланма кўчасида жойлашган «Андижон автотех» МЧЖ автосалонида ёнғин содир бўлди Бу ҳақда «Дарё» нашри хабар бермоқда.

    Вилоят ёнғин хавфсизлиги бошқармаси матбуот хизматининг маълум қилишича, ҳодиса 3 август куни соат 22:10 да рўй берган бўлиб, навбатчилик қисмига 22:15 да хабар келиб тушган. Орадан 7 дақиқа ўтиб, ёнғинни ўчириш бўлинмалари воқеа жойига етиб борган.

    Фото: «Дарё»
    Маълум бўлишича, автосалон мамурий биноси иккинчи қаватининг тахминан 70 квадрат метр майдондаги ички ёғоч қопламаси, шифт қисми ва хона жиҳозлари ёнган.

    Фото: «Дарё»
    Ёнғин соат 22:27 да қуршаб олинган ва 28 дақиқада ўчирилган. Бўлинмалар томонидан 200 квадрат метр майдон офатдан сақлаб қолинган. Ёнғинни бартараф этишда 5 та экипаж ва фавқулодда вазиятлар бошқармаси қутқарув отряди иштирок этган.

    Фото: «Дарё»
    Ҳодиса оқибатида қурбонлар ва жароҳатланганлар йўқлиги айтилмоқда. Ёнғиннинг келиб чиқиш сабаблари ва кўрилган зарар миқдори аниқланмоқда.

    » » Андижондаги автосалонда ёнғин содир бўлди (фото)