Олмазор туманидаги ЙТҲ ҳақида маълумот берилди

5-октябрь кунидан 6-октябрга ўтар тунда тахминан соат 1.40 да Олмазор туманидаги Фаробий кўчасида 23 ёшли Мираюб М. ишончнома бўйича "Нексия-3" русумли автомобилни бошқариб, кўчани ёритувчи металл устунга тўқнашган.

ЙТҲ натижасида ҳайдовчига оғир тан шикастлари етган бўлиб, у воқеа жойида ҳаётдан кўз юмган. ЙТҲнинг тахминий сабаби: ҳайдовчи тезликни сезиларли даражада ошириб, бошқарувни йўқотган.

Ҳурматли ҳайдовчилар! Йўл ҳаракати қоидаларига риоя қилишингизни ва тезликни оширмаслигингизни сўраймиз.