2020 йил 1 апрелдан Ўзбекистонда шахсни ушлашда янги тартиб ўрнатилади

  • 13 декабрь 2019, 15:55
  • 1 177
  • Жамият
  • 2020 йил 1 апрелдан Ўзбекистонда шахсни ушлашда янги тартиб ўрнатилади
    Фото: REUTERS
    Ўзбекистон Республикаси президенти “Конституция ва қонун устуворлигини таъминлаш, бу борада жамоатчилик назоратини кучайтириш ҳамда жамиятда ҳуқуқий маданиятни юксалтириш бўйича қўшимча чора-тадбирлар тўғрисида”ги қарорни имзолади.

    Ҳужжат билан белгиланишича, 2020 йил 1 апрелдан бошлаб:

    шахсни ушлаб туриш, унга процессуал ҳуқуқларини тушунтириш, ҳимоячидан воз кечиш ҳаракатларини мажбурий тарзда видео тасвирга тушириш тартиби жорий этилади;

    ҳуқуқни муҳофаза қилувчи органлар ходимлари зиммасига улар томонидан шахс ушланганидан сўнг унинг ушлангани ва ушлаб турилган жойи тўғрисида унинг оила аъзоларидан бирини, улар бўлмаган тақдирда эса, бошқа қариндошларини ёки яқин кишиларини дарҳол хабардор қилиш бўйича мажбурият юкланади.

    2020 йил 1 июлдан бошлаб ҳуқуқни чеклайдиган процессуал мажбурлов чораларини қўллаш, жумладан шахсни ушлаб туриш ҳолатлари ягона электрон ҳисобга олиш тизимига киритиб борилади.

    Маълумот

    Посетители, находящиеся в группе Гости, не могут оставлять комментарии к данной публикации.
    » » 2020 йил 1 апрелдан Ўзбекистонда шахсни ушлашда янги тартиб ўрнатилади