Фото: Ижтимоий тармоқлар
«Facebook» ижтимоий тармоғининг фаол фойдаланувчиларидан бўлган А.Р.Шарифуллин бир неча кун бурун номаълум шахслар томонидан калтаклангани ҳақида хабарлар тарқаганди.
Куни кеча калтакланганлар қўлга олинди. Бу ҳақда Бош прокуратура матбуот хизмати раҳбари Ҳаёт Шамсутдинов маълум қилди.
Унга кўра, мазкур ҳолат юзасидан шу йилнинг 15 декабрь куниёқ Мирзо Улуғбек тумани бўйича ИИО ФМБ 6-сон Ички ишлар бўлими Тергов бўлинмаси томонидан номаълум шахсларга нисбатан Ўзбекистон Республикаси Жиноят кодексининг 277-моддаси 2-қисми «б» банди билан жиноят иши қўзғатилиб, дастлабки тергов ҳаракатлари бошлаб юборилган.
А.Р.Шарифуллин дастлабки кўрсатмасида 2019 йил 10 декабрь куни ўз яшаш уйи олдидан қора рангли «Спарк» русумли автомашинада номаълум шахслар олиб кетганлигини билдирган.
Олиб борилган тезкор суриштирув ишлари натижасида ушбу автомашинани Тошкент шаҳрида яшовчи (1991 й.т. Муқаддам Ўзбекистон Республикаси Жиноят кодексининг 104-моддаси 3-қисми, 277-моддаси 3-қисми ва 105-моддаси 2-қисми билан судланган) С.Қаюмжонов бошқариб келганлиги аниқланган.
Жиноят иши юзасидан сўроқ қилинган С.Қаюмжонов ўз кўрсатмасида, таниши Ж.Мардонов (1994 й. т. Тошкент давлат шарқшунослик инсититути 2-босқич талабаси, муқаддам Ўзбекистон Республикаси Жиноят кодексининг 165-моддаси билан бир неча маротаба судланган) билан 10 декабрь куни фуқаро А.Р.Шарифуллиндан «Лирика» ва «Тропикамид» дори воситаларини сотиб олиш мақсадида боришганида, у (А.Р.Шарифуллин дори воситаларини) Чилонзордан олиб беришини айтади. Уччовлон автомашинада Чилонзор тумани, 23-мавзега келганда А.Р.Шарифуллин психотроп моддасини ўз ёнидан чиқариб беради. Унинг ёлғон гапириб, овора қилганига чидаолмаган «харидорлар» билак кучини ишга солишади...
Ҳозирда ушбу жиноят иши бўйича Мирзо Улуғбек тумани бўйича ИИО ФМБ 6-сон Ички ишлар бўлими Тергов бўлинмаси томонидан дастлабки тергов ҳаракатлари олиб борилмоқда.
Мазкур жиноят иши Тошкент шаҳар прокуратураси томонидан назоратга олинган. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Қайси кундалик одатлар иммунитет пасайишига олиб келишини биласизми?
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Эрон президенти жиддий баёнот берди: «Исроилдан ҳеч нарса қолмайди»
Сариқми ёки яшил: қайси турдаги банан фойдалироқ?
Германиянинг Knauf компанияси Россиядан бутунлай чиқиб кетишини тасдиқлади
Тошкентда 02 кодли авторақамлар тахминан қачон пайдо бўлиши айтилди
Германияда мактаб ўқувчилари оммавий равишда ислом динини қабул қилмоқда