Бухоро ва Хоразмда соғайиш кўрсаткичи юқори бўлди, энг кўп бемор Тошкент ва Самарқандда

16 май ҳолатига кўра Ўзбекистонда коронавирус юқтирганлар сони 2 738 нафарни ташкил этмоқда. Ҳозиргача беморларнинг 2 213 нафари (80 фоизи) тузалган, 11 киши коронавирус сабаб вафот этган.

Соғлиқни сақлаш вазирлиги матбуот котиби Фурқат Санаев ўзининг телеграм каналида коронавирус бўйича янгиланган статистикани эълон [leech=https://zamin.uz/index.php?do=go&url=aHR0cHM6Ly90Lm1lL3NzdnV6LzE0OTA%3D]қилди[/leech]. Унда Хоразм ва Бухоро вилоятлари соғайиш бўйича юқори кўрсаткич қайд этаётгани кўринган. Бухорода 440 киши вирус юқтириб, 433 киши тузалди. Ҳозирда яна 7 киши даволанмоқда. Яъни, тузалиш кўрсаткичи 98 фоизга тенг.

Хоразмда ҳам тузалиш бўйича 98 фоизлик кўрсаткич қайд этилган. Вилоятда коронавирус юқтирган 233 фуқародан 228 нафари тузалган, 5 киши даволанмоқда. Бугун вилоятда 18 киши тузалиб, реабилитацияга юборилди. Уларнинг 5 нафаригина маҳаллий хоразмлик бўлган, қолганлар бошқа вилоятлардан.

Бугун энг кўп Тошкент (27 нафар) ва Хоразмда (18 нафар) беморлар тузалди. Жумладан, Тошкентда 4 ва 11 ёшли болалар ҳам тузалган. Самарқандда ҳам бугун 10 киши вирусдан тузалиб, реабилитацияга юборилди. Улар Оқдарё (5 нафар), Самарқанд шаҳри (3 нафар) ва Тойлоқ туманларидан (2 нафар) бўлишган. Беморлар орасида 2019 йилда туғилган чақалоқ ҳам бор.

Айни дамда ҳудудлар бўйича энг кўп беморлар Тошкент шаҳри (309 нафар) ва Самарқанд вилоятида (107) даволанмоқда. Жиззах, Қашқадарё ва Фарғона вирусдан ҳоли ҳудуд бўлиб турибди. Сирдарёда ҳам бемор қолмаган, чунки уларнинг барчаси Тошкентга олиб келинган.

Манба: Kun.uz “Замин” янгиликларини “Инстаграм”да кузатиб боринг