Ички ишлар вазирлигининг Йўл ҳаракати хавфсизлиги бош бошқармаси Навоий шаҳрида фуқаро ва ЙПХ ходими ўртасида содир бўлган ҳолат юзасидан расмий маълумот берди.
Навоий шаҳри ҳудудида хизмат олиб бораётган ЙПХ ходими "Матиз" русумли транспорт воситасини тўхтатиб текширган вақтида, ҳайдовчининг транспорт воситасини бошқариш учун ҳайдовчилик гувоҳномаси йўқлиги маълум бўлган.
Ўзбекистон Республикаси Ички ишлар вазирлигининг Йўл ҳаракати хавфсизлиги бош бошқармаси хабарига кўра, ЙПХ ходими ҳайдовчига нисбатан тегишли тартибда маъмурий баённома расмийлаштириб, транспорт воситасини вақтинча сақлаш учун жарима майдончасига олиб кетган. Ҳайдовчи бозорлик қилганлигини айтиб, йўл-йўлакай яшаш манзилига маҳсулотларни ташлаб чиқишини сўраган. ЙПХ ходими одамгарчилик юзасидан рози бўлган.
Ҳайдовчи яшаш манзилига кириб, опаси билан қайтиб чиққан ва жарима майдончасига ўзи эмас опаси боришлигини айтган. ЙПХ ходими ҳайдовчининг ўзи боришини сўраган, аммо опаси транспорт воситасининг олд ўриндиғига чиқиб олган.
“ЙПХ ходими автомобилда ҳаракатланиб кетаётган вақтида ҳайдовчининг опаси сабабсиз бақир-чақир қилиб, тўсатдан автомашина рулини буриб юборган”, - дейилади хабарда.
Қайд этилишича, ходим транспорт воситасини тўхтатган. Аёл ЙПХ ходимининг бодикамераси ва жезл таёқчасини олиб, бошқа транспорт воситасига ўтирган ва йўл-йўлакай бодикамера тугмаларини босиб, ўчиришга уринган. Бодикамера эса ишлашда давом этган. ЙПХ ходими аёлни жаҳл устида эканлигини кўрган ва кўчада тортишмасдан, ҳолат юзасидан белгиланган тартибда билдирги орқали вилоят ИИБ бошлиғи номига мурожаат қилган.
Аёл бироз вақт ўтиб, олиб кетган бодикамераси ва жезл таёқчасини кўтариб вилоят ИИБ ЙҲХБ бошлиғи қабулига келган.
Айни вақтда мазкур ҳолат юзасидан Навоий шаҳар прокуратураси томонидан суриштирув ишлари олиб борилмоқда, дейилади ИИВ маълумотида. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Учар автомобил йўловчи билан биринчи парвозини амалга оширди (видео)
Германияда ишлаш истагида бўлган ўзбекистонлик мутахассислар учун немис тили ўргатилади
Велосипедда сайр қилиш учун 3 сабаб: ёшартиради, оздиради ва умрни узайтиради
Хитой АҚШни «қизил чизиқлар»ни кесиб ўтишдан огоҳлантирди ва «душман эмас, ҳамкор» бўлишга чақирди
Владимир Путин «Крокус»да содир этилган теракт учун ўч олишга чақирди
Мария Захарова украиналикларни Америка ҳиндуларига ўхшатди
Америкалик олимлар барча учун бирдек фойдали жисмоний фаоллик турини аниқлади
“Толибон” Афғонистоннинг Хост вилоятида беш нафар фуқарони қамчи билан жазолади
