19:33 / 06.02.2021
694

“Марихуана”нинг ноқонуний савдосига чек қўйилди

“Марихуана”нинг ноқонуний савдосига чек қўйилди
Мамлакатимизда гиёҳвандлик воситаларини ўстириш, тайёрлаш, сотиш ва истеъмол қилиш қонун билан тақиқланиб, Жиноят кодексининг тегишли моддалари билан жиноий жазо белгиланган. Бироқ, айрим шахслар томонидан заҳриқотиллар савдоси билан шуғулланиш ҳолатлари ҳамон учрамоқда.

Сурхондарё вилояти божхона бошқармаси Контрабандага қарши курашиш ва божхона аудити бўлими ходимлари томонидан вилоят ИИБ ва Миллий Гвардия бошқармаси ходимлари билан хамкорликда наркотик моддаларнинг ноқонуний муомаласига қарши курашиш бўйича Денов туманида тезкор тадбир ўтказилди.

Тадбир давомида Денов туманида фуқаро Т.Ш.нинг яшаш хонадони холислар ҳамда “Лестор” лақабли хизмат ити ёрдамида кўздан кечирилганда, хизмат ити хонадон ичида жойлашган диванга белги берганлиги сабабли ушбу диван текшириб кўрилди. Натижада, диваннинг ички қисмида 4 дона гугурт қутилари ичида 37 та қоғоз парчасига ўралган “марихуана” гиёҳвандлик воситаси борлиги аниқланди. Шундан сўнг фуқаро Ш.Т. ушбу гиёҳвандлик воситасига ўхшаш моддаларни бошқа бир фуқаро С. Н. дан олганлиги маълум бўлди ва тезкор тадбир давом эттирилди.

Денов тумани ҳудудида фуқаро С.Н. 2 дона гугурт қутиларга қадоқланган “марихуана” гиёҳвандлик воситасини шартли харидорга хар бир қутисини 350 минг сўмдан жами 700 минг сўмга сотмоқчи бўлиб олиб келган вақтда тадбир иштирокчилари томонидан қўлга олинди ва эгнидаги кийимлари кўздан кечирилганда қора рангли курткасининг чўнтагидан яна 2 дона гугурт қутиларга қадоқланган ўткир хидли, яшил рангли “марихуана” гиёҳвандлик воситасига ўхшаш моддалар борлиги аниқланди.

Тезкор тадбир давомида олинган жами “марихуана” гиёҳвандлик воситалари экспертизадан ўтказилганда соф оғирлиги 37,02 граммни ташкил этди. Ҳозирда мазкур ҳолат юзасидан божхона органлари томонидан терговга қадар текширув ҳаракатлари олиб борилмоқда.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)