23:11 / 07.03.2021
601

Термизда ҳарбий қисмга ишга киритиш учун 3 минг доллар сўраган шахс қўлга олинди

Термизда ҳарбий қисмга ишга киритиш учун 3 минг доллар сўраган шахс қўлга олинди
Бош прокуратура ҳузуридаги Иқтисодий жиноятчиликка қарши курашиш департаментининг маълум қилишича, термизлик эркак 2 кишини ҳарбий қисмга ишга жойлаштириб қўйишига ишонтирган. У ўзини вилоятдаги ҳарбий қисмларнинг бирида юқори лавозимда ишловчи ходим сифатида таништирган ва «хизмати» эвазига 3 000 доллар сўраган.

Ҳуқуқни муҳофаза қилувчи идоралар ҳамкорликда ўтказилган тезкор тадбирда гумонланувчи келишилган пулнинг 400 долларини олган вақтида ашёвий далиллар билан ушланган.

«Мазкур ҳолат юзасидан гумонланувчига нисбатан Жиноят кодексининг 168-моддаси (Фирибгарлик), 211-моддаси (Пора бериш) билан жиноят иши қўзғатилиб, тергов ҳаракатлари ўтказилмоқда», дейилади департамент хабарида.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Жамият » Термизда ҳарбий қисмга ишга киритиш учун 3 минг доллар сўраган шахс қўлга олинди