«Ичан қалъа»да қадимий қудуқ топилди. Бу ҳақда Ўзбекистон Фанлар академияси хабар бермоқда.
Қайд этилишича, бугунги кунда Хива шаҳри, хусусан, шаҳарнинг қадимий қисми ҳисобланган «Ичан қалъа» давлат музей қўриқхонаси ҳудудида туризмни ривожлантириш ва хорижлик меҳмонларга кўрсатилаётган хизматлар сифатини ҳамда музей қўриқхонаси ҳудудида истиқомат қилувчи маҳаллий аҳолининг маиший турмушини яхшилаш, шаҳарнинг ичида коммуникация, ичимлик ва оқова сувлар, газ таъминоти тизимларини янгилаш ишлари олиб борилмоқда.
Ҳозирда музей қўриқхонаси ҳудудида ҳукумат қарори билан 1980-1990 йилларда ётқизилган мавжуд эски ичимлик ва оқава сув тизимлари ер тагидан қазиб олиниб, уларни тубдан янгилаш ишлари олиб борилмоқда.
ФА хабарига кўра, куни кеча «Ичан қалъа» давлат музей қўриқхонаси ҳудудидаги таъмирлаш ишлари чоғида бундан бир неча йиллар олдин ёпиб ташланган қудуқ оғзи очилди. Унинг ноанъанавий кўриниши турли хил фаразларга сабаб бўлмоқда.
Бу қудуқ бошқа сув қудуқлари каби пастдан тепага торайиб кетмасдан, унинг барча қисмида диаметри бир хил, яъни 2,60 метрни ташкил қилади. Чуқурлиги 5,60 метрга тенг.
Қадимги анъанага кўра, қудуқнинг асоси, яъни пойдевор қисмига Хоразм шароитида кўп учровчи дарахт, тут ёки гужумдан ёғоч пойдевор ўрнатилган. Ёғочнинг қалинлиги 16 сантиметр атрофида. Қудуқ деворларига 25х25х6 сантиметр ўлчамдаги пишган ғишт нозик дид билан терилган. Ғиштлар юзасида ромбсимон белгилар мавжуд.
Маълум қилинишича, қудуқ бундан тахминан 100-150 йил олдин қурилган. Ҳозирги кунда мазкур қудуқдан айнан нима мақсадда фойдаланилгани масаласи илмий жиҳатдан ўрганилмоқда. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
АҚШнинг Ғазодаги сиёсатидан норози Давлат департаменти расмийси истеъфога чиқди
Россия дунёдаги биринчи водород ёқилғили автомобилни тақдим этди
Қайси кундалик одатлар иммунитет пасайишига олиб келишини биласизми?
Зоир Мирзаев “Телефонсиз мактаб”га 300 млн сўм мукофот берди
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Германияда мактаб ўқувчилари оммавий равишда ислом динини қабул қилмоқда
Сариқми ёки яшил: қайси турдаги банан фойдалироқ?
Америкалик олимлар барча учун бирдек фойдали жисмоний фаоллик турини аниқлади