Самарқандда ҳайдовчининг ухлаб қолиши оқибатида Isuzu юк машинаси дарё қирғоғига ағдарилиб кетди

^{Фото: Самарқанд вилояти ИИБ ахборот хизмати}
Самарқанд шаҳри ҳудудидан ўтувчи М-37А автомобиль йўлининг 35-километрида Isuzu юк машинаси иштирокида йўл-транспорт ҳодисаси содир бўлди, деб хабар беради вилояти ИИБ ахборот хизмати.

Маълум қилинишича, кўнгилсиз ҳодиса 29 май куни соат 05:30 ларда Тошкент—Навоий йўналиши бўйлаб ҳаракатланиб келаётган Isuzu русумли юк машинаси билан содир бўлган. Ҳайдовчининг ухлаб қолиши оқибатида машина Зарафшон дарёсининг қирғоғига ағдарилиб кетган.

^{Фото: Самарқанд вилояти ИИБ ахборот хизмати}
Таъкидланишича, мазкур ҳодиса оқибатида ҳеч ким тан жароҳати олмаган. «Замин»ни Telegram’да ўқинг!