23:30 / 21.06.2021
3 986

Келин бу қилмиши учун уч йилгача қамалиши мумкин


Фарғона вилояти Риштон туманида келин қайнонасининг 9,8 миллион сўмлик тилла тақинчоқларини ўғирлагани маълум бўлди, дея хабар қилмоқда ИИВ матбуот хизмати.

Қайд этилишича, 13 июнь куни «Ар-Рошидоний» МФЙ ҳудудида яшовчи С.Д. исмли аёл ИИБга мурожаат қилиб, унда 12 июнь куни номаълум шахс яшаш хонадонига ғайриқонуний равишда кириб, меҳмонхонасидаги темир сейфни калит танлаш йўли билан очиб, нархи 4 200 000 сўмлик икки дона тилла сирғаси, нархи 3 600 000 сўмлик бир дона тилла занжир, нархи 2 000 000 сўмлик бир дона тилла узугини яширин равишда ўғирлаб кетганини маълум қилган.

Мазкур ҳолат юзасидан Риштон тумани ҳузуридаги тергов бўлинмаси томонидан Жиноят кодексининг 169-моддаси 2-қисми «г» банди (уй-жой, омборхона ёки бошқа хонага ғайриқонуний равишда кириб, содир этилган ўғрилик) билан жиноят иши қўзғатилган.

Олиб борилган тезкор қидирув ҳаракатлари давомида ушбу жиноятни жабрланувчи С.Д. исмли аёлнинг бирга яшовчи келини К.Х. содир этганлиги сабабли жиноят иши Жиноят кодексининг 169-модда 1-қисмига (ўғрилик) қайта малакаланган.

Маълумот учун, Жиноят кодексининг 169-моддаси 1-қисмида кўрсатилган жиноятни содир этган шахс уч йилгача озодликдан маҳрум қилиш билан жазоланади.


Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Келин бу қилмиши учун уч йилгача қамалиши мумкин