21:03 / 24.09.2021
1 394

Чирчиқдаги ҳарбий полигонда 21 ёшли йигит снаряд портлаши оқибатида вафот этди

Чирчиқдаги ҳарбий полигонда 21 ёшли йигит снаряд портлаши оқибатида вафот этди
Кадр: Видеодан скриншот
Ижтимоий тармоқларда «Наманганлик 21 ёшли йигит ҳарбий хизматда портлаб кетганлиги» ҳақида хабарлар тарқалди. Бош прокуратура мазкур ҳолат юзасидан маълумот берди.

Аниқланишича, 2021 йилнинг 21 август куни дала-ўқув майдонида снаряд қолдиқлари портлаши натижасида содир бўлган кўнгилсиз ҳодиса оқибатида видеомурожаатда мурожаат қилган ота-оналар фарзанди Миллий гвардия муддатли ҳарбий хизматчиси А.Иқболжонов ҳаёт учун хавфли бўлган оғир тан жароҳатлари олиб вафот этган.

Мазкур ҳолат юзасидан 21 август куни Чирчиқ ҳарбий прокуратураси томонидан Жиноят кодексининг 297-моддаси (атрофдагилар учун катта хавф манбайи бўлган қурол-яроғ, шунингдек, модда ва буюмлар билан муомалада бўлиш қоидаларини бузиш) билан жиноят иши қўзғатилган.

Ҳозирда тергов ҳаракатлари олиб борилмоқда, прокурор назорати ўрнатилган.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Жамият » Чирчиқдаги ҳарбий полигонда 21 ёшли йигит снаряд портлаши оқибатида вафот этди
[/banner_pushhouse