09:45 / 18.10.2021
721

Сурхондарёда 266 та каптарни ноқонуний овлаган шахс жаримага тортилди

Сурхондарёда 266 та каптарни ноқонуний овлаган шахс жаримага тортилди
Фото: Сурхондарё вилояти экология ва атроф-муҳитни муҳофаза қилиш бошқармаси
Сурхондарё вилоятининг Жарқўрғон туманида 266 та каптарни ноқонуний овлаган шахсга суд ҳукми ўқилди. Бу ҳақда MY5 телеканалининг «Марказий студия» ахборот дастури хабар берди.

Маълум қилинишича, ушбу фуқаро овчилик гувоҳномаси ва ов қуроли билан 10 тагача каптар овлашга рухсатномаси бўла туриб, бўрига ем учун 266 та каптарни ноқонуний овлаган. Ушбу ҳолат Сурхондарё вилояти Экология ва атроф-муҳитни муҳофаза қилиш бошқармаси назорат инспекцияси ва Жарқўрғон туман инспекцияси инспекторлари томонидан ўтказилган тезкор рейд тадбирларида аниқланган.

Ҳолат юзасидан Жарқўрғон туман суди қарори билан судланувчи фуқаро А.Э.га 106 ой муддатга ахлоқ тузатиш ишлари жазоси тайинланган. Унга тегишли бўлган овчилик гувоҳномаси олиб қўйилиб, ов қуроли давлат фойдасига мусодара этилган.

Шунингдек, 266 та каптарни ўлдириб, ҳайвонот дунёсига етказган зарари учун 32 миллион 585 минг сўм Сурхондарё вилояти экология ва атроф-муҳитни муҳофаза қилиш бошқармаси фойдасига ундириш белгиланган.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Жамият » Сурхондарёда 266 та каптарни ноқонуний овлаган шахс жаримага тортилди