Йил охиригача коронавирусни жиловлаш мумкинми? Бу даврда пандемия қандай тус олади? Касалликнинг ортга чекиниши кўпроқ қайси омилларга боғлиқ?
Жаҳон соғлиқни сақлаш ташкилоти бош директори Тедрос Гебрейесус бу борада уч тахминий сценарийни маълум қилди. Унинг сўзларига кўра, йил давомида COVID-19 мутацияга учрашда давом этади. Инфекциянинг яна қатор янги штаммлари пайдо бўлиши мумкин. Аммо оммавий эмлаш кўрсаткичлари ошиши ва аҳоли иммунитети кучайиши билан хасталикнинг оғир асоратлари камайиб боради.
- Биринчи сценарийга кўра, коронавируснинг оғир кечувчи штаммлари пайдо бўлмайди ва касалликка қарши мавжуд вакциналар ёрдамида курашиш кутилган самарани беради.
- Иккинчи сценарийга мувофиқ, COVID-19нинг ҳозиргидан ҳам юқумлироқ ва тез тарқалувчи вариантлари юзага келади.
- Учинчи сценарийга асосан, одамларни коронавируснинг оғир асоратларидан асраш анча мураккаблашади. Бундай вазиятда янги, янада самарали вакциналар ишлаб чиқариш талаб этилади.
«Баъзи давлатларда тўртинчи доза билан эмлаш жараёнлари бошлангани қувонарли. Аммо дунё аҳолисининг учдан бир қисми, шу жумладан, Африкада яшовчиларнинг 83 фоизи, ҳатто, биринчи босқичда вакцина олгани йўқ. Бу эса барчамизда хавотир ва ташвиш уйғотиши керак», — деди Тедрос Гебрейесус.
Жорий йил иккинчи ярмига қадар дунёдаги ҳар бир мамлакат аҳолисининг 70 фоизи тўлиқ эмланишига эришиш устувор мақсад ҳисобланади. Бу жараёнда, аввало, тиббиёт ходимлари, кексалар ва хавф гуруҳига мансуб бошқа қатламни қамраб олишга алоҳида эътибор қаратиш жоиз.
ЖССТ тиббий ниқоблар, ижтимоий масофа сақлаш, шахсий гигиена қоидаларига қатъий амал қилиш орқали касалликка қарши курашиш самарадорлигини ошириш мумкинлигини таъкидлади. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Иммунитетни кўтариш учун 6 та энг яхши витамин
Рақобат қўмитаси биржада Аи-80 бензини бошланғич нархига чеклов ўрнатди
Эрдўғон Туркия Исроил билан алоқаларини узганини маълум қилди
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Шолц «тез орада» Путин билан гаплашишга тайёрлигини маълум қилди
Трамп АҚШ бош прокурори лавозимига конгрессмен Гетц номзодини илгари сурди
Реваншда ғалаба қозониш учун Тайсон Фьюрига нима керак?
1 декабрдан ичимлик ва оқова сув учун тўлов фақат электрон шаклда амалга оширилади
