Ҳалима Иброҳимова ўзидан 7 ёш кичик турмуш ўртоғи билан қандай танишганини сўзлаб берди

Комик актриса Ҳалима Иброҳимова айни кундаги ижодий фаолияти ва шахсий ҳаёти билан боғлиқ саволларга жавоб берди.

“Ўзимдан ҳам ‘Эрингиз билан ўн йилга шартнома тузган экансизми?’, деб сўрашади. Айрилардан ‘Унинг пулига уйланганда’ каби гапларни эшитиб қоламан. Турмуш ўртоғимнинг исми Жалолиддин, оилада кенжа ўғил. У киши билан уйимизни таъмирлаётганда танишгандик. Усталар орасида Жалолиддин акам ҳам бўлган. Поччам ‘Шу йигит сени сўраяпти’ деганида, ишонмагандим бошида. ‘Мендан етти ёш кичкина экан, йўқ’, деганман. Қайнонам совчи бўлиб келганидан сўнг 15-20 кунда тўйим бўлган”,—дейди актриса “Бекажон” газетасига берган интервьюсида. “Оилада етакчи менман. Буни ҳеч қачон яширмаганман. Чунки турмуш ўртоғимдан етти ёш каттаман. Демак, ҳаёт тажрибам ҳам уларникидан кўпроқ. Одамлар нима деса деяверади, ичимдаги душманларим кимлигиниям биламан, ҳатто”. «Замин»ни Telegram’да ўқинг!