Машҳур ўзбек хонандаси Афруза учун 2025 йил 25 июль санаси унутилмас кун бўлди. Шу куни у она бўлиб, дунёга ўғил фарзанд келтирди. Афруза ушбу шодон янгиликни ўзининг Instagram ижтимоий тармоғида эълон қилиб, бу бахтли лаҳзалар билан ўз мухлисларини ҳам хабардор қилди.
Унинг сўзларига кўра, бу ҳаётидаги энг улуғ ва севимли воқеалардан бири бўлган. У қувончини яширмасдан, ўзи учун дунёдаги энг буюк неъмат — оналик бахти насиб этганидан жуда хурсанд эканини маълум қилган. Шунингдек, обуначиларидан ва яқинларидан ўзи ва чақалоғи учун дуо қилишларини сўраган.
Афрузанинг сўнгги постларидан кўриниб турибдики, у бу янги босқични ҳаётидаги масъулиятли ва илҳомли давр сифатида қабул қилмоқда. У мухлисларига чин дилдан миннатдорчилик билдириб, бу бахт барчага насиб этишини тилаган.
Ушбу янгилик ижтимоий тармоқларда кенг муҳокама қилинмоқда. Кўплаб ҳамкасблари, блогерлар ва санъаткорлар Афрузани табриклаб, унга самимий тилакларини йўллашмоқда. Шу билан бирга, у ижтимоий тармоқдаги фаолиятини вақтинча тўхтатишини, асосий диққат-эътиборини фарзандига қаратмоқчилигини билдирган.
Мухлислар эса Афрузанинг она бўлганига чин юракдан хурсанд бўлиб, у ҳақда илиқ фикрлар ёзмоқда. Афруза учун бу янги ҳаёт синафониясидаги илк қадамдир ва барчамиз уни дуо билан қўллаб-қувватлаймиз.
«Замин»ни Telegram’да ўқинг!
