Хонанда Муниса Ризаева Дубайдаги сафарини якунлаб, Ўзбекистонга қайтди. У бу ҳақда ўзининг ижтимоий тармоқлардаги саҳифасида мухлисларига мурожаат қилди.
Санъаткор ўз постида қуйидагича ёзган: “Хайр, Дубай! Биз сени соғинамиз! Кўришгунча.” Бу сўзлари орқали у сафар чоғида ўтган ёқимли лаҳзаларни эслаб, илиқ ҳис-туйғуларини билдирган.
Бироқ Муниса Ризаева ҳар доимгидек, ўзига хос ҳазил-мутойибаси билан ҳам мухлисларини кулдиришни унутмаган. У самолётдан қайтгач, шундай ёзган: “Самолётдан қаерга? Тўғри ишга. Бугун очилиш маросимини ўтказдим.”
Ижодкорнинг бу сўзлари мухлислари орасида ижобий кайфият уйғотди. У яна бир бор фаол ижодий жараёнга қайтганини билдириб ўтди.
Шунингдек, хонанда янги суратларида ўзгача имижда намоён бўлди. У нафис либос, ўзига хос соч турмаги ва табиий бўёқлари билан кузатувчилар эътиборини тортди.
