Актриса Наргиза Абдуллаева Наво телеканалининг “13-студия” дастури меҳмони бўлиб, шахсий ҳаётига доир очиқ ва самимий суҳбат билан кўпчиликни ўйлантирди. Дастурда телебошловчи Насриддин Насриддинов ундан биринчи турмуши ҳақида савол берди:
“Биринчи турмушингизни эслаш унчалик ёқмаслигини биламан. У оила севиш билан қурилмаган. Ҳатто айтишларича, дўстлари билан баҳслашиб, совчи қўйган йигит экан. Бугун ўша кунларни эсласангиз, нима ҳиссиётлар пайдо бўлади?”
Наргиза Абдуллаева бу саволга жуда очиқ жавоб қайтарди:
“Қизларга аймоқчиман: совчи келди деб дарров розилик бериш керак эмас. Ота-оналарнинг гапини эшитиш керак экан. Улар 'бу йигит тўғри эмас' дейишса, демак ростдан ҳам шошилмаслик керак.”
Актрисанинг айтишича, у 17 ёки 18 ёшларида турмушга чиққан:
“Ўша пайтда ёш эдим. Ўзим ҳам хоҳламаганман, лекин совчилар келавериб қуйишмаганлиги учун рози бўлганман. Кейин ҳатто тушимда кўриб чиқардим. Тушда кўрсам ҳам қўрқиб кетардим, терлаб уйғонардим — яна ўша оилами деб. Маънан эзилиш жуда ёмон экан.”
Унинг таъкидлашича, у ёшликда юзага келган қийналишларни ҳеч кимга айта олмаган:
“Одамларнинг маскаси ҳар хил бўларкан. Ҳеч кимни билиб бўлмас экан. Биз санъаткорларни эса айблаш осон. 'Актриса-да', деб ҳамма нарсани биздан кўради. Аммо аслида биз ҳам оддий инсонмиз, эҳтиромга муҳтожмиз.”
Актрисанинг ушбу самимий мулоҳазалари кўплаб томошабинларни ўйлантирди ва қизлар учун жиддий ҳаёт сабоғига айланди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
