Нилуфар Усмонова ва Азиз Юлдашевдан “Анори дона” — мухлислар қалбини забт этди
Хонандалар Нилуфар Усмонова ва Азиз Юлдашев 11 май куни “Anorи дона” номли янги таронасини кенг жамоатчилик эътиборига ҳавола қилишди. Икки қалб ўртасидаги самимий туйғулар ҳақида ҳикоя қилувчи мазкур дует шоир Шахбоз Файзуллаев ва бастакор Нодир Зоитов ҳамкорлигида яратилган. Тарона тингловчини муҳаббат оламига етаклаб, ишонч ва садоқат ифодаси сифатида севишганлар дил ижорини очиб беради.
Хонандалар Нилуфар Усмонова ва Азиз Юлдашев 11 май куни мухлисларини яна бир янги ижодий асар билан қувонтиришди. Санъаткорлар “Анори дона” номли таронасини тақдим этиб, уни кенг жамоатчилик эътиборига ҳавола қилишди.
Мазкур қўшиқ икки қалб ўртасидаги самимий, илиқ ва ширин туйғулар ҳақида ҳикоя қилади. Унинг ҳар бир сўзи ва оҳанги севги ва эҳтирос билан йўғрилган бўлиб, анор доналари каби ёрқин ва жўшқин ҳиссиётларни уйғотади. Нилуфар Усмонова ва Азиз Юлдашев ижросидаги дует бир-бирига ҳамоҳанг овозлар орқали тингловчини муҳаббат оламига етаклайди.
Қўшиқнинг жўшқин мусиқаси ва маъноли матни қалбларга яқин бўлиб, энг гўзал хотираларни жонлантиради. “Анори дона” шунчаки тарона эмас, балки икки севишган қалбнинг дил изҳори, ишонч ва садоқат ифодасидир.
Ушбу асар шоир Шахбоз Файзуллаев ва бастакор Нодир Зоитов ҳамкорлигида яратилган.
Мухлислар янги қўшиқни илиқ кутиб олиб, ижтимоий тармоқларда ижобий фикрлар билдирмоқда. Улар ижронинг замонавий услуби, оҳанги ва ҳиссиётларга бойлигини алоҳида таъкидлаб, санъаткорларга ижодий муваффақиятлар тилашмоқда.
Изоҳлар 0
…