Бибисора Ассаубаевага Ўзбекистон номидан мусобақаларда қатнашиш таклиф қилинди

Қозоғистонлик гроссмейстер Бибисора Ассаубаеванинг молиявий муаммолар юзасидан Қозоғистон президенти Қасим-Жомарт Тоқаевга мурожаат қилгани шахмат жамоатчилигида кенг муҳокама қилинмоқда.

Ассаубаева халқаро турнирларга тайёргарлик кўриш учун маблағ етишмаётганини билдирган. Унинг айтишича, Norway Chess турнирига тайёргарлик харажатлари асосан шахсий маблағи ва ота-онаси ёрдами ҳисобидан қопланган.

Ушбу ҳолатдан сўнг ижтимоий тармоқларда айрим фойдаланувчилар унга Ўзбекистон терма жамоаси сафида қатнашишни таклиф қилмоқда. Изоҳларда “Сизни Ўзбекистон терма жамоасига таклиф қиламиз” каби фикрлар ёзилмоқда.