Жасмин Аббос Файзуллаев тўйида кутилмаган сирни ошкор қилди (видео)

Кеча Ўзбекистон миллий терма жамоаси футболчиси Аббос Файзуллаевнинг никоҳ тўйига ташриф буюрган хонанда Жасмин қизиқарли эътирофи билан ижтимоий тармоқларда муҳокамаларга сабаб бўлди.

Тўйхонага кириб келаётган жараён видеога олинаётган пайтда хонанда ҳазиломуз тарзда: “Аббос Файзуллаевнинг тўйига келдик. Менинг фамилиядошим. Менинг ҳам фамилиям Файзуллаева”, дея айтиб ўтди. Ушбу самимий сўзлар видеони томоша қилган интернет фойдаланувчиларининг эътиборини тортди.

Маълумки, санъаткор мухлисларга Жасмин тахаллуси билан танилган бўлса-да, унинг фамилияси ҳақидаги ушбу маълумот кўпчилик учун кутилмаган бўлди.

Тўй оқшомида Жасмин ўзининг машҳур ва шўх тароналари билан саҳнага чиқиб, меҳмонларга кўтаринки кайфият улашди. Хонанданинг чиқиши тўй иштирокчилари томонидан илиқ кутиб олиниб, видеолари ижтимоий тармоқларда кенг тарқалмоқда.

Бир қатор санъат ва маданият вакиллари “Ўзбекистон белгиси” кўкрак нишони билан тақдирланди. Улар орасида Жасмин тахаллуси билан танилган хонанда Мадина Файзуллаева ҳам бор.

Хонанда ушбу қувончли хабарни ўзининг ижтимоий тармоқдаги саҳифаси орқали мухлислари билан бўлишди. У мукофот билан тушган суратини эълон қилиб, самимий миннатдорлигини изҳор этди.

Мадина Файзуллаева ўз саҳифасида: “Бугун “Ўзбекистон белгиси” кўкрак нишони билан тақдирландик. Бундан жуда ҳам хурсанд бўлдим. Билдирилган ишонч ва эътибор учун чин дилдан ташаккур,” дея ёзиб қолдирган.