Ўзбекистон Республикасининг Биринчи Президенти Ислом Абдуғаниевич Каримов “Энг гўзал ва дилбар қўшиқлар Ватан ҳақидаги қўшиқлардир. Бундай жозибадор қўшиқлар эл-элатларни бирлаштиради, уларни тинч-тотув яшашга, Ватанни ҳар томонлама юксалтиришга, кўз қорачиғидек асраб-авайлашга ва кўксини қалқон қилишга даъват этади. Замонлар ўтаверади, аммо Ватан абадийдир. Ватанни севиш, суюб-ардоқлаш, бор вужудинг билан жўшиб куйлаш эса энг олий бахтдир”, деб айтган эди.
Шу кунларда Ўзбекистондек жаннатмакон юрт мадҳ этилган қўшиқлар сони ортмоқда. Албатта, улар орасида йиллар давомида қалбимиздан жой олиб, Ватанга бўлган муҳаббатимизни янада оширадиганлари талайгина.
Бугун ўзбек эстрадасининг устоз санъаткорларидан бир – Ўзбекистонда хизмат кўрсатган артист Мавлуда Асалхўжаева ижодидаги навбатдаги қўшиқни эътиборингизга ҳавола этамиз.
“Ўзбек давлати” деб ном олган мазкур қўшиқ Ўзбекистон Республикаси Мустақиллигининг 26 йиллик тўйига туҳфа бўлиб, Мавлуда Асалхўжаева ижодида алоҳида аҳамият касб этди, десак муболаға бўлмайди.
“Ҳар йили Ватанимиз мустақиллиги байрамига янги қўшиқ тайёрлайман. Ҳар бирининг ўзига яраша ўрни бор. Бироқ бу галгисининг юки, залвори бошқача бўлди. Уни тинглаган киши Ватан олдидаги бурчи, вазифасини бир бор кўз ўнгидан ўтказса, ажаб эмас. Албатта, мен бир ижрочиман, холос. Ватанга бўлган муҳаббатимиз Азим Суюндек шоирнинг шеърида акс этмаганда эди, балки бу қўшиқ яралмаган бўларди”, дейди хонанда.
Қўшиқнинг матни Азим Суюн қаламига мансуб. Мусиқасини Баҳодир Низомов басталаган. Мусиқий сайқал Умид Обидов томонидан амалга оширилган.
Ўзбекистонда хизмат кўрсатган артист Мавлуда Асалхўжаева ижросидаги “Ўзбек давлати” номли янги қўшиқни сайтимизнинг мусиқа бўлимида тинглаш имкониятига эгасиз.
Манба: Qalampir.uz “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда ўтган уч ойда қанча автомобиль ишлаб чиқарилган?
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Рамзан Қодировнинг 19 ёшли қизи медаль билан тақдирланди
Damas учун онлайн контрактация очилади
Швейцария президенти Путинга мактуб йўллади
АҚШнинг Суриядаги ҳарбий базасига ракеталар ҳужум қилди
Академик Қодир Ғуломов Қўшработда бўлди
Германиянинг Knauf компанияси Россиядан бутунлай чиқиб кетишини тасдиқлади