Пойтахтимиздаги "Халқлар дўстлиги" саройида юртимизда илк марта ўтказилаётган "Олтин кабутар" ижодий танлови ғолибларини тақдирлашга бағишланган тадбир ва гала-концерт бўлиб ўтди.
Мазкур ижодий лойиҳа “Mening yurtim”, “Yoshlar” телеканаллари ва Ёшлар иттифоқи ҳамкорлигида ташкил этилган бўлиб, ушбу танловда телевидение, санъат ва маданият ҳамда кино соҳаси вакиллари тақдирланиши кўзда тутилган.
“Олтин кабутар” танловида 2019 йилда самарали меҳнат қилган ижодкорлар кўплаб номинациялар бўйича тақдирланади.
“Олтин кабутар” ғолибларини ҳакамлар ҳайъати эмас, балки томошабинларнинг ўзи SMS орқали овоз бериш йўли билан аниқлади. Бунинг учун иштирокчилар тегишли тартибда беш босқичда саралашдан ўтдилар.
Қайд этиш лозимки, танловнинг «Энг яхши кўрсатув» номинациясида “Менинг Юртим”телеканалининг «Марказий студия» кўрсатуви ғолиб бўлди, кўрсатув бошқа номинация ғолибларидан фарқли равишда энг кўп овоз йиғишга муваффақ бўлди — 10 035 та.
Бундан ташқари танловда “Йилнинг энг яхши блогери” номинацияси бўйича рағбатлантирувчи мукофот билан @davletovuz канали муаллифи блогер Қобил Хидиров ғолиб деб топилди.
Шунингдек танловда “Энг яхши миллий сериал”, “Энг яхши актёр”, “Энг яхши видеоклип”, “Энг яхши эстрада хонандаси”, “Энг яхши телебошловчи”, “Энг яхши тележурналист”, “Энг яхши ток-шоу”, “Энг яхши саундтрек” каби номинациялар бўйича ҳам ғолиблар аниқланган.
Шунингдек, “Ўзбек санъати ривожига қўшган улкан ҳиссаси учун”, “Ўзбек телевидениеси ривожига қўшган ҳиссаси учун”, “Энг яхши мураббий” номинациясида танловнинг махсус мукофотлари топширилди.
Бундан ташқари, ҳамкор ташкилотлар билан биргаликда “Энг яхши концерт дастури”, “Энг яхши режиссёр”, “Энг яхши бадиий фильм”, “Йил блогери”, “Йилнинг энг фаол ёши”, “Йилнинг энг яхши ҳунарманди”, “Йил инвестори”, “Йилнинг энг яхши ихтирочиси”, “Йилнинг энг яхши архитектори”, “Йилнинг энг яхши мақом ижрочиси”, “Йил рассоми”, “Йил шифокори”, “Йилнинг энг яхши тадбиркори” каби рағбатлантирувчи мукофотлар ҳам тақдим этилди.
«Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Швейцария президенти Путинга мактуб йўллади
Германиянинг Knauf компанияси Россиядан бутунлай чиқиб кетишини тасдиқлади
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
АҚШнинг Суриядаги ҳарбий базасига ракеталар ҳужум қилди
Damas учун онлайн контрактация очилади
Ўзбекистонда ўтган уч ойда қанча автомобиль ишлаб чиқарилган?