Нилуфар Усмонова онаси концертдан ҳайдаб чиқарган аёл ва гўдак ким эканини айтди (видео)

Куни кеча хонанда Нилуфар Усмонова кенг жамоатчиликка ўзининг янги альбоми тақдимотини ўтказди.
Мазкур тақдимот маросимида Ўзбекистон халқ артисти Юлдуз Усмонова билан юз берган ҳолат ижтимоий тармоқларда кенг муҳокама бўлмоқда.

Унда Юлдуз Усмонова концерт томоша қилаётган, боласи йиғлаб қолган аёлга чиқиб кетишини қўпол оҳангда маълум қилган. Бу эса аксарият ижтимоий тармоқ фойдаланувчиларининг эътирозларига сабаб бўлди.

Нилуфар Усмонова мазкур ҳолатга изоҳ бериб, видеомурожаат билан чиқди. Нилуфар онаси чиқариб юборган аёл уларнинг оиласидаги энага бўлиб, йиғлаб қолган бола унинг фарзанди эканлигини маълум қилган.