18:23 / 09.03.2021
4 316

Юлдуз Ражабова давлат раҳбари билан мулоқоти ҳақида: «Президент эътирофи ўзимга бўлган ишончимни кучайтирди»

Юлдуз Ражабова давлат раҳбари билан мулоқоти ҳақида: «Президент эътирофи ўзимга бўлган ишончимни кучайтирди»
Фото: «Дарё»
Тошкент шаҳридаги Конгресс-ҳоллда 6 март, шанба куни Халқаро хотин-қизлар куни муносабати билан ўтказилган тантанали маросимда Ўзбекистон Президенти Шавкат Мирзиёев актриса Юлдуз Ражабова иштирокидаги «Мендирман Жалолиддин» сериалини эътироф этиб, уни ижодни сусайтирмасликка чақирган эди.

Юлдуз Ражабова «Дарё» мухбири Миролим Исажоновга берган интервьюсида мазкур учрашув ва давлат раҳбарининг эътирофига нисбатан муносабат билдирди.

«Аввало, камтарона меҳнатим юксак мукофотга лойиқ кўрилгани учун ҳурматли Президентимизга ўз миннатдорчилигимни билдираман. Байрам арафасида турли унвон ва медалларга лойиқ кўрилган юзлаб хотин-қизлар ичида борлигимдан жуда ҳам хурсандман.

8 март—Халқаро хотин-қизлар куни муносабати билан ўтказилган маросимда давлатимиз раҳбари ўша тадбирда қатнашган барча аёлларни табриклаб, бирма-бир сўрашиб чиқди. Уларнинг бундай олийжаноблигини кўриб, айрим аёллар хурсандлигидан йиғлаб ҳам юборди.

Президентимизнинг маросимдаги хотин-қизлар билан сўрашишларини сира кутмагандим. Мен билан сўрашаётган вақтда ‘Кино зўр чиқди, ижодни сусайтирманг’, дея айтган эътирофи жуда ҳаяжонлантирди ва ўзимга нисбатан ишончни кучайтирди. Шунингдек, бундай эътибор ўз устимда янада қаттиқ ишлашимга бир туртки бўлди, масъулиятни оширди
», — деди актриса.

Маълумот учун, Юлдуз Ражабова турк кино ижодкорлари билан ҳамкорликда суратга олинган «Мендирман Жалолиддин» сериалида Қутлибека образини гавдалантирмоқда. Шунингдек, у «Оскар» мукофотига тавсия этилган «Фариданинг икки минг қўшиғи» фильмида ҳам бош ролни ижро этган.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Маданият » Юлдуз Ражабова давлат раҳбари билан мулоқоти ҳақида: «Президент эътирофи ўзимга бўлган ишончимни кучайтирди»