Даики Матсуока: "Ўзбек ҳалқи жуда меҳмондўст экан"

Хабарингиз бор, юртимизда U-23 Осиё кубоги баҳслари якунланмоқда ва кеча ушбу турнирнинг 3-ўрин учун Япония - Австралия (3:0) учрашуви бўлиб ўтди.

- Бугунги учрашув ҳақида фикрларингиз...
- Ҳар доим ўйинда сифатга аҳамият бераман. Шунингдек, рақиб ким бўлишидан қатъий назар ғалаба қозонишга ҳаракат қиламан.

- Турнирнинг икки ўйинида энг яхшиси дея эътироф қилинганингиз ҳақида нима дея оласиз?
- Бу натижадан хурсандман. Аммо ҳали ўсишда давом этишим керак. Бугунги ўйинда узатмаларда ва қарор чиқаришда кўп ҳатолар қилдим. Нима қилиб бўлса ҳам гол урмоқчи эдим, бироқ буни уддалай олмадим.

- Турнир Сиз учун қай даражада ўтди?
- Мусобақа аъло даражада бўлди. Лекин олдимизга қўйилган чемпионлик вазифасини бажара олмадик.

- Ўзбекистондаги мухлислик маданияти қай даражада экан?
- Жуда ажойиб. Чунки ўзингиз гувоҳ бўлдингиздек улар бугун менинг исмимни айтиб қўллаб-қуватлашди ва ҳар бир ҳаракатимни қарсаклар билан қарши олишди. Бундан ташқари меҳмонхона ходимлари бизнинг ҳар бир ўйинимиздан сўнг бизни қарсаклар билан кутиб олишди. Ўзбек ҳалқи жуда меҳмондўст экан.