Ўзбек футболининг ёрқин юлдузларидан бири, фаолиятини Қатар чемпионатида давом эттираётган Сардор Рашидов SPORTS.uz сайтига интервью берди. Маҳоратли легионеримиз суҳбатда бир нечта қизиқарли мавзуларда фикр-мулоҳазалари билан ўртоқлашди.
– Мавсумни Ўзбекистонда бошладингиз. Аммо кейин Қатардан келган таклифга рози бўлдингиз. Бунга айнан нима сабаб бўлди?
– Қатардан таклиф тушиши билан ўйлаб ўтирмасдан қабул қилдим. Бу ерда футболга бўлган эътибор бошқача. Шароитлар яхши, оилам ҳам бу ерни ёқтиради. Қолаверса, молиявий томондан қониқарли таклиф эди. Аввал ҳам айтганман, ҳар бир футболчи пул учун ўйнайди. Футбол бизнесга айланиб улгурган.
– Ҳозирда "Умм-Салал" ички биринчиликда 12 жамоа орасида 10-ўринда бормоқда. Мавсум якуни учун клуб ўз олдига қандай мақсадлар қўйган?
– Ха, ҳозир жамоам 10-поғонада, лекин битта ғалаба билан 4-ўринга кўтарилиб олса бўлади. Раҳбарият олдимизга кучли учликка кириш мақсадини қўйган. Аввалгига нисбатан ҳозир рақобат кучли. Яхши савиядаги жамоалар кўпайган.
– Суперлигадаги чемпионлик учун кечаётган рақобат ҳақида нима дея оласиз? Кимни фаворит қилиб кўрсата оласиз?
– Чемпионатимизни кузатиб боряпман. Ҳозир қайсидир клубни ажратиб кўрсатиш қийин. Интрига ўзининг қизғин палласига кирмоқда. 4-5 та бир хил савиядаги жамоалар бор. Рақобат бўлсагина, ички чемпионат ўсиши мумкин.
– Қатар ва бизнинг чемпионат ўртасида қандай фарқ бор? Нима сизни доим у ерга чорлайверади?
– Фарқ катта. Бу ерда футбол тезроқ ўйналади. Агар шу кетишда давом этса, Суперлигамиз ҳам яхшигина ўсишга эришади. Ҳозирча камчиликлар йўқ эмас. Нимага айнан Қатар? Бу ер менинг иккинчи ўйим. Ўзимни шу ўлкада қулай ҳис қиламан ва бу ерда мени ҳурмат қилишади. Аввало ҳаммасини Аллоҳ бермоқда. Бунга шукур айтишим керак.
– Қатардан кейинги режаларингиз қандай?
– Аниқ бир режа йўқ. Шу ерда узоқроқ қолмоқчиман.
– "Пахтакор"дан кетиб, яна легионерга айландингиз. Ҳар ҳолда Суперлигада эмассиз. Нима учун терма жамоадан чақирув олмаяпсиз? Бу футбол билан боғлиқ эмасми ёки...
– Бу саволни биринчи Равшан Эрматовга кейин эса Сречко Катанецга бериш керак. Шу тариқа мен ҳам бу саволга жавоб олган бўлардим ...
Жалолиддин Қобилжонов суҳбатлашди
«Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шольц ва Путин ўртасидаги суҳбат Киевга сигнал бўлди
КХДР етакчиси дронларни оммавий ишлаб чиқаришни йўлга қўйишни буюрди
Туркиянинг Harper’s Bazaar нашри йил аёлини аниқлади (фото)
Айрим бошқарув сервис компаниялари шартномаларида асоссиз шартлар белгилангани аниқланди
Буйрак саломатлиги учун энг фойдали сабзавот...
20 ёшли ўзбекистонлик қизни қариндоши Туркияга сотиб юборди
Байден ва Жинпинг Перуда учрашди: «Агар бир-биримизни рақиб деб билсак, муносабатларни бузамиз»
Организм ўзини токсинлардан қандай тозалайди?
