ЕЧЛ 1/8 финал босқичидан ўрин олган “Манчестер Сити” ҳамда “Барселона” жамоалари ўртасидаги дастлабки учрашув ўз ниҳоясига етди. Унда 1:2 ҳисоби қайд этилиб, каталонияликларнинг ғалабаси билан якунланди.
Дастлаб, ўйиннинг 16-дақиқасидаёқ тиниб-тинчимас Луис Суарес рақиб ҳимоячисининг хатоасидан унумли фойдаланиб, ўз жамоасини ҳисобда олдинга олиб чиқди. Орадан 14 дақиқага ўтгач, яна уругвайлик ҳужумчининг ўзи Хорди Альбанинг “Сити” жарима майдоначсига узатган тўпини, Харт қўрқлаётган дарвозага тўғрилаб қўйди – 0:2. Танаффусга қадар, мазкур ҳисоб ўзгармади.
Иккинчи бўлимда, мезбонлар ниҳоят жонланишди. Эдин Жекода тер Стеген дарвозасини ишғол этиш учун жуда қулай вазият юзага келди, аммо унинг зарбасидан тўп тўп тўғригина германия посбонниг қўлига бориб тушди. Шундай бўлсада, “Сити“ барибир битта голга жавоб қайтаришга муваффақ бўлди. Серхио Агуэро жамоасининг тезкор ҳужуми эвазига, рақиб жарима майдончасига ёриб кириб, тўпни дарвоза тўрига жойлаб қўйди - 1:2. Орадан беш дақиқа ўтгач, майдон эгалари ўн киши бўлиб қолишди. Гаэль Клиши Дани Алвесга қарши ўйин қоидасини кўпол тарзда бузгани учун иккинчи сарик карточка жазоланди. Бу эса автоматик тарзда қизил карточкага айланди. Иккинчи бўлимга қўшиб берилган вақтда эса “Барса” пенальти тепиш ҳуқуқиага эга бўлди. Бироқ, Лео Месси 11 метрлик нуқтадан Хартни доғда қолдира олмади.
Шу тариқа, Луис Энрике шогирдлари Англиядан муҳим ғалаба билан қайтишмоқда. Жавоб учрашувини кутамиз!
ЕЧЛ. 1/8 финал. Дастлабки учрашув
Манчестер Сити Англия – Барселона Испания 1:2 (0:2, 1:0)
Голлар: 0:1 – 16 Суарес, 0:2 – 30 Суарес, 1:2 – 69 Агуэро.
Манчестер Сити – Харт, Сабалета, Демичелис, Компани, Клиши, Фернандо, Сильва (Санья, 78), Насри (Фернандиньо, 62), Милнер, Агуэро, Джеко (Бони, 68).
Барселона – тер Стеген, Дани Алвес (Адриано, 75), Бускетс, Пике, Альба, Иньеста, Маскерано, Ракитич (Матье, 71), Неймар (Педро, 80), Месси, Суарес.
Огоҳлантиришлар: Ракитич (41), Дани Алвес (45), Клиши (59), Адриано (88), Фернандо (90).
Четлатиш: Клиши (74).
Манба: www.uff.uz «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Италия суди Қуддус Исроил пойтахти эмаслиги ҳақида қарор чиқарди
Шавкат Мирзиёев Россия бош прокурори билан учрашув ўтказди
2026 йилда бўлажак мундиалнинг фаворитлари рейтинги тақдим этилди
Халқаро жиноят судининг ордери Исроилни нега қўрқитяпти?
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
22 ноябрь куни Cobalt автомобилига шартнома очилиши эълон қилинди
