U-20 Осиё кубоги 1-туридан ўрин олган Индонезия - Ироқ (0:2) учрашувидан кейинги матбуот анжуманида Индонезия бош мураббийи Шин Тхэ Ён қатнашди.
- Ўйин ҳақидаги фикрингиз?
- Аввало, Ироқ жамоасини табриклайман. Биринчи бўлимда етарли имкониятларга эга бўлдик. Улардан фойдаланишимиз керак эди. Ироқ терма жамоаси бир киши кам бўлиб қолганди. Биз бу устунликни ҳисобда акс эттиришимиз лозим эди.
- Жамоада бир-бирини тушуниш борасида муаммолар сезилди. Дастлабки 20 дақиқада яхши ўйин кўрсатаётгандик...
- Ҳа, вазиятлардан фойдалана олмадик. Вазиятларни голга айлантириш жамоамизнинг оғриқли нуқтаси. Айнан шу жиҳат устида ишлашимиз керак. Иккинчи бўлимда бир киши кўп бўлтб ўйнадик, аммо устунликни ўйинда кўрсата олмадик. Яна бир жиҳатни айтиб ўтишим жоиз. Биз ўзгаришлардан кейин ҳам ўша темпни сақлаб қолишимиз керак. Асосий таркибдаги ўйинчилар алмаштирилгандан кейин эса бундай бўлмади.
- Икки жамоа учун ҳам қийин ўйин бўлди. Кейинги икки учрашувдан нималар кутмоқдасиз?
- Бундай мусобақаларда биринчи ўйин жуда муҳим. Кейинги икки учрашув жуда қийин бўлади. Биз таслим бўлмаймиз ва ишлашда давом этамиз. Кейинги ўйинларда қандай натижа қайд этишимиздан қатъий назар, бу биз учун тажриба бўлади.
- Кейинги учрашувгача икки кунгина вақт бор. Жамоангизнинг тайёргарлиги қандай кечади?
- Албатта, бу қисқа вақт, аммо биз бунга тайёр эдик. Жамоада яхши муҳитни йўлга қўйсак, бу муаммо бўлмайди.
- Учрашувнинг анча қисмида бир киши кўп бўлиб ўйнаган бўлсак ҳам, бу нарса сезилмади. Жамоага об-ҳаво шароити ҳам таъсир қилдими?
- Мен ҳам шундай фикрдаман. Сон жиҳатдан тенг пайтимиз яхшироқ ўйнаётгандик. Бу мураббий сифатида менинг айбим. Ҳа, Индонезияда ҳава бундан анча иссиқ, аммо мағлубиятимизга шу нарса сабаб бўлди дея олмайман. Мағлубиятимизнинг асосий сабаби бу концентрацияни йўқотганиз бўлди.
