Бугун "Турон" клуби қароргоҳида навбатдан ташқари йиғилиш бўлиб ўтди. Жамоа раҳбарияти иштирокида ташкил этилган йиғилишда хорижлик мутахассис Денис Бушуев жамоа бош мураббийи сифатида таништирилди.
Денис Дмитриевич Бушуев Германия давлати фуқароси, УЕФА ПРО лицензиясига эга. Мутахассис бугунга қадар Россиянинг “ФК Велес“ (Москва), «Лениградес» (Санк Петербург), Германиянинг «Мюнхен 1860» клубларида мураббийлик фаолиятини олиб борган. 2018-2019 йилларда Россия U-17 терма жамоаси мураббийи лавозимида ишлаган.
Шунингдек, мазкур йиғилишда Геннадий Бондарук клубимиз тизимида иш бошлагани ҳам маълум қилинди. Россиялик мутахассис янги бош мураббий Денис Бушуевга яқиндан ёрдам беради.
Геннадий Михайлович Бондарук мураббийлик фаолияти давомида Россиянинг «Жемчужина» (Сочи), «Динамо» (Барнаул), «Ленинградес» (Санк Петербург), «Велес» (Москва) каби клубларда ишлаган.
"Турон" матбуот хизмати.
“Замин” янгиликларини “Youtube”да кузатиб боринг
