Ҳусайн Норчаев: "Голларимни отам ва онамга бағишладим"

U-23 Осиё Кубоги саралаши доирасидаги биринчи тур учрашувидан кейин Ўзбекистон U-23 терма жамоаси футболчиси Ҳусайн Норчаев ўз фикрлари билан ўртоқлашди.

- Ўйин ҳақида

- Ўзоқ кутилган ўйин. Жамоамда ўйин амалиётисиз қолиб кетаётган эдим. Терма жамоада ўзимни кўрсатишга имкон бўлди. Биринчи ўйинда яхши ўйнадик. Бундан кейинги ўйинларда ҳам яхши ҳаракат қиламиз деб ўйлайман.

- Биринчи бўлимдан сўнг мураббийлар қандай кўрсатмалар беришди?

- Иккинчи таймда рақиб чарчаб қолди деб ўйлайман. Мураббийлар биздан кўпроқ қанотлардан ҳужум қилишимизни сўрашди. Бу бизга кўп фойда берди.

- Бугун учта гол урдингиз. Таассуротлар қандай бўлди? Голни нишонлашингиз ҳам ўзгача тарзда бўлди...

- Бугун стадионга оилам ташриф буюрганди. Голларимни отам ва онамга бағишладим.

- Эронга қарши ўйиндан нималар кутясиз?

- Кўпроқ гол уриб, жамоамга ёрдам бермоқчиман. Ўзимизнинг энг яхши ўйинимизни кўрсатиб Осиё кубогига чиқишга ҳаракат қиламиз.

- Эрон жамоасини кузатдингларми? Бу жамоа ҳақида қандай фикрдасиз?

- Ҳозирча бу жамоани мураббийларимиз кузатиб боришмоқда. Кейинги ўйинимиз Гонгконгга қарши. Ушбу ўйинда ғалаба қозониб, ундан сўнг Эрон билан ўйинга тайёргарликни бошлаймиз.

Янгиликлар