Бугун тонгда АҚШнинг Аризона штатида Matchroom промоутерлик компанияси томонидан профессионал бокс кечаси ташкил этилди. Маълумки, ушбу жанг кечасининг 2-марказий жангида ҳамюртимиз Муроджон Аҳмадалиев (12-1,9 КО) мексикалик мағлуб бўлмаган боксчи Кевин Гонсалес 926-1-1,13 КО) билан WBA элиминатор жангида рингга кўтарилди.
Қувонарлиси юртдошимиз 12 раунд қилиб белгиланган баҳснинг 8-раундида техник нокаут билан ғалаба қозонди. Марказий жангда эса 50.8 кг вазнда Жесси Родригес (19-0,12 КО)ва Санни Эдвардсга (20-1,4 КО)қарши WBO ҳамда IBF чемпионлик камарларни бирлаштирувчи тўқнашувда рингга кўтарилди ва 9-раундда ғалаба қозониб, икки титулни ўзиники қилиб олди.
Шунингдек, бир қатор жанглар ҳам бўлиб ўтди ва унда қуйидаги натижалар қайд этилди:
Жалал Яфаи (6-0,4 КО) – Рокка Сантамауро (22-2,6 КО) – Яфаи очколарга кўра ғалаба қозонди.
Жарико О’ Куин (17-1-1,9КО) – Питер Макгрейл (8-1,5 КО) - О’ Куин 5-раундда нокаут билан ғалаба қозонди.
Артуро Попока (12-0-1,8 КО) – Карлос Мужика (8-4,2 КО) –Попока 4-раундда техник нокаут билан зафар қучди.
Жунаид Бостан (8-0,6 КО) – Горди Русс (6-1,6 КО) –Бостан очколарга кўра зафар қучди.
Альберт Гонсалес (7-0,3 КО) – Алекс Эдуардо Молина (9-3-1,5 КО) – Гонсалес 2-раундда нокаут билан ғалабага эришди.
Жо Макгрил (8-0,4 КО) – Эдгар Ортис (8-5-2,4 КО) –Макгрил 2-раундда техник нокаут билан зафар қучди.
“Замин” янгиликларини “Telegram”да кузатиб боринг
