Америка Кубоги—2024. Уругвай пенальтилар сериясида Канадани мағлуб этиб, 3-ўрин соҳибига айланди

Футбол бўйича Америка Кубогининг 3-ўрни учун кечган баҳсда Канада ва Уругвай терма жамоалари ўзаро тўқнаш келди.

Учрашувнинг 6-дақиқасида Уругвай футболчиси Родриго Бентанкур ҳисобни очди. 22-дақиқада эса Исмаэл Коне мувозанатни тиклади. Биринчи бўлим дуранг натижа билан якунланди.

Иккинчи бўлимни эса канадаликлар фаолроқ ўтказди ва 80-дақиқага келиб, ҳисоб ўзгарди. Захирадан майдонга туширилган Жонатан Девид Канадани ҳисобда олдинга олиб чиқди.

Ҳакам қўшиб берган дақиқаларда эса Луис Суарес дарвозани ишғол қилиб, ҳисобни тенглаштирди. Шу тариқа ғолиб номи пенальтиларда аниқланадиган бўлди.

Пенальтилар сериясида эса Уругвай 4:3 ҳисобида зафар қучиб, мусобақанинг 3-ўрин эгасига айланди.

Мусобақанинг финалида эса Аргентина ва Колумбия терма жамоалари ўзаро тўқнаш келади. Учрашув Ўзбекистон вақти билан 15 июль тонгида 05:00 да старт олади.

Америка Кубоги—2024
3-ўрин учун баҳс
14 июль, якшанба

Канада – Уругвай 2:2 (Пенальти - 3:4)
Голлар: 0:1 – 8 Бентанкур, 1:1 – 22 Коне, 2:1 – 80 Девид, 2:2 — 90+2 Суарес.

Канада: Сент-Клер, Жонстон (Дэвис, 62), Лумпунгу, де Фужрол (Корнелиус, 67), Ларейя, Аҳмед (Миллар, 77), Осорио (Бейр, 77), Шуэне, Коне, Шаффелбург, Олувасейи (Девид, 67).

Уругвай: Рочeт, Хименес, Касерес, Виня (Оласа, 66), Бентанкур, Вальверде, Угарте (де Арраскаэта, 46), Нандес, Араухо (Оливера, 61), Пелистри (Родригес, 61), Нуньес (Суарес, 46).

Огоҳлантиришлар: де Фужрол (7), Виня (26), Олувасейи (63), Коне (78), Бентанкур (85). “Замин” янгиликларини “Youtube”да кузатиб боринг