Суперлиганинг 17-туридан ўрин олган "Бунёдкор" - ОКМК (0:1) учрашувидан сўнг меҳмонлар бош мураббийи Миржалол Қосимов матбуот анжуманида иштирок этди.
Ўйин ҳақида
- Фурсатдан фойдаланиб бутун Ўзбекистон аҳлини "Мустақиллик байрами" куни билан муборакбод этаман. Жуда оғир ўйин ўтказдик. Муҳими 3 очкони қўлга киритдик. Жамоани олдинда кичик таътил кутиб турибди. Икки жамоа ҳам эҳтиёткорлик билан ҳаракат қилди. Ўйиннинг якуний қисмида стандарт вазиятдан киритган голимиз бизга 3 очкони тақдим этди. Ўйиндан эмас, натижадан қониқдим. Навбатдаги учрашувларда "Бунёдкор" жамоасига омад тилайман.
- Жамоангиз сўнги дақиқаларда гол киритиши эвазига ғалабани илиб кетган учрашувлар бўлаяпти. Бу сизнинг режангизда бор жараёнми? Масалан, 80-дақиқадан кейинги вақт учун алоҳида кўрсатмалар берасизми?
- Йўқ, махсус кўрсатма бермаймиз. Майдонга чиққандан сўнг фақат футбол ҳақида ўйлаш керак. 80-дақиқадан кейин эмас, ҳакам ҳуштаги чалиниб, ўйин бошланганидан то охиригача бир хил балансда ўйнашимиз керак. "Динамо" билан ўйинда шу каби хатолар эвазига мағлуб бўлдик. Аксинча, гол ургандан сўнг жамоа янада қўшиши керак. Футбол акс ҳолда кечирмайди.
- Суперлигада даражаси тенглашди. Сизнингча, бу ҳақиқатдан ҳам жамоаларнинг кучайиши билан боғлиқми?
- Бунга турлича ёндашиш мумкин. Суперлигада шунчаки ўйин бўлмайди. Жадвал ҳеч нарсани англатмайди. Биринчи ўриндаги жамоа билан 14-ўриндаги жамоа ўйнаса ҳам, ким ютади, ким ютқазади, ҳеч ким билмайди.
- "Бунёдкор"га тамал тоши қўйган мураббийлардан бирисиз. Жамоанинг айни дамдаги инқирози сизни қандай изтиробга солади?
- Ташқаридан бир нарса дейиш қийин. Албатта, жамоага ачинаман. Илёсга ҳам бу борада айтдим, омад тиладим, жамоа Суперлигадаги ўз ўрнини сақлаб қолишни уддалашига ишонч билдираман. Бундай ҳолат ҳар бир жамоа билан юз бериши мумкин. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
2026 йилда бўлажак мундиалнинг фаворитлари рейтинги тақдим этилди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Шавкат Мирзиёев Россия бош прокурори билан учрашув ўтказди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
22 ноябрь куни Cobalt автомобилига шартнома очилиши эълон қилинди
Италия суди Қуддус Исроил пойтахти эмаслиги ҳақида қарор чиқарди
