Таниқли промоутер Мадримовнинг имкониятини паст баҳолади

Промоутер Том Леффлер ўз мижози, украиналик Сергей Богачукнинг собиқ жаҳон чемпиони Исроил Мадримовга қарши бўлажак жанги ҳақида гапирди.

«Мадримов Богачук учун яна бир қийин рақиб, аммо ўйлайманки, бу Сергей учун ғалабали жанг бўлади. Агар у Мадримовни мағлуб эта олса, йилни ажойиб ўтказган бўлади.

Эсингизда бўлсин, аввалги жангида Виржил Ортис 20 та нокаут билан 20:0 ҳисобида рекорд ўрнатган ва мухлислар уни Богачукни нокаутга учратишини кутишганди. Аммо Богачук уни икки марта нокдаунга туширганида, уларнинг кўзи очилганди.

Ҳозир кўпчилик Богачукни бу жангда аутсайдер сифатида кўрмоқда, лекин мен унинг ғалаба қозонишига ишончим комил. Бу фикрларни Сергей билан ишлаганим учун билдирмаяпман. Унинг имкониятларини яқиндан билганим учун айтяпман», — Леффлернинг сўзларини келтиради Boxing Scene.

Эслатиб ўтамиз, Исроил Мадримов ва Сергей Богачук жанги 21 декабр куни Саудия Арабистони пойтахти Ар-Риёд шаҳрида бўлиб ўтади. «Замин»ни Telegram’да ўқинг!