Декабрда нечта келишилган ўйин ўйналгани маълум қилинди

ULIS спорт ассоциацияси 2024 йилнинг декабрь ойида спорт мусобақаларида 89 та келишилган ўйин ўтказилган бўлиши мумкинлиги ҳақида маълумот чиқарди.

Бу ташкилот спорт оламидаги қонунбузарликларга қарши курашиб, ҳалол кураш тамойилини тадбиқ қилиш билан шуғулланади.

Ассоциацияси берган маълумотларга қараганда, келишилган 89 та ўйиндан 85 таси футбол учрашувларига тўғри келади.

Гумон остига тушган 55 та учрашув Осиё майдонларида рўй бергани айтилмоқда. Бу борада иккинчи қаторда Европа (20 та келишилган ўйин) қайд этилган.

Шунингдек, йилнинг охирги ойида Африкада еттита, Жанубий Америкада бешта, Шимолий Америкада иккита футбол учрашуви келишилганлиги тахмин қилинмоқда. Қолган тўртта ўйин бошқа спорт турларига тегишли. “Замин” янгиликларини “Telegram”да кузатиб боринг