"Манчестер Сити" яна бир ҳимоячи сотиб олишни кўзлаяпти

"Манчестер Сити" клуби яна битта ҳимоячи, яъни "Ювентус" клубининг ҳимоячиси Андреа Камбьязони ҳам сотиб олишни мақсад қилди.

Журналист Жанлука Ди Марционинг маълум қилишича, "Манчестер Сити" клуби 24 ёшли футболчи Андреа Камбьязонинг трансфери борасида музокараларни бошлаб юборган. Клуб "Ювентус"га 60-65 млн евролик таклиф жўнатишга тайёр турибди.

Ҳимоянинг иккала қанотида ҳам ўйнай оладиган Камбьязо ушбу мавсумда "Ювентус" сафида 19 та ўйинда қатнашди ва рақиблар дарвозасига 2 та гол киритишга муваффақ бўлди.

Ҳозирга қадар "шаҳарликлар" яна икки ҳимоячи - Витор Рейс ("Палмейрас") ва Абдуқодир Ҳусановни ("Ланс") қўшиб олишга яқин турибди. “Замин” янгиликларини “Telegram”да кузатиб боринг