Нурсултон Рўзибоев бугунги муҳим жанг олдидан тарозидан ўтди!

ММА ишқибозлари кутаётган яна бир катта турнир бошланишига энди саноқли соатлар қолди. 17 майдан 18 майга ўтар кечаси Ўзбекистон вақти билан соат 01:00 да АҚШда "UFC Fight Night 256" турнири старт олади. Мазкур мусобақада юртимиз шарафини ҳимоя қилаётган машҳур ҳамюртимиз Нурсултон Рўзибоев ҳам октагонга чиқади.

Турнир олдидан анъанавий тарзда ўтказиладиган вазн ўлчаш маросими бугун якунланди. Жангчилар ўз вазнлари бўйича турнир талабларига мос келишини исботлаш учун тарозидан ўтишди.

Асосий карддаги энг қизиқарли қарама-қаршиликлардан бири бўлган ҳамюртимиз Нурсултон Рўзибоев ва америкалик Дастин Стольцфус ўртасидаги жанг учун ҳар икки спортчи ҳам вазн чегарасидан муваффақиятли ўтди. Иккала спортчининг вазни бир хил бўлиб, 84,14 килограммни ташкил қилди. Бу эса икки томоннинг ҳам яхши жисмоний тайёргарлик кўргани ва жангга тайёрлигидан дарак беради.

Бошқа асосий карддаги иштирокчилар орасида ҳам қизиқарли жанглар бўлиб ўтади. Жумладан, ярим ўрта вазн тоифасида тажрибали бразилиялик жангчи Гилберт Бёрнс (77,11 кг) эквадорлик ёш истеъдод Майкл Моралес (77,33 кг) билан тўқнашади. Ярим оғир вазнда эса Родолфо Беллато (93,21 кг) ва Пол Крейг (92,98 кг) ўзаро ҳисоб-китоб қилади.

Шунингдек, асосий кард доирасида мухлисларни Содик Юсуфф ва Майрон Сантос (иккаласи ҳам 70,53 кг), Жулиан Эроса ва Мелкизаэл Коста (65,77 кг), Габриэл Грин (70,08 кг) ва Матеус Камильо (70,3 кг) каби кучли ва маҳоратли жангчиларнинг қарама-қаршиликлари кутмоқда.

Прелим босқичида ҳам қизиқарли жуфтликлар бўлиб, унда Жэрад Гордон ва Тиаго Мойзес (70,76 кг — 70,53 кг), Ядье Дель Валле ва Коннор Мэттьюс (65,99 кг — 65,77 кг), Луана Сантос ва Таинара Лисбоа (61,68 кг — 61,46 кг), Элис Рид ва Денисе Гомес (иккаласи 52,16 кг), Хьюн Сунг Парк ва Карлос Хернандез (56,92 кг — 57,15 кг), Тиша Пеннингтон ва Луана Пиньеро (52,38 кг — 51,93 кг) каби жангчилар иштирок этади.

Zamin.uz таҳририяти Нурсултон Рўзибоевга ушбу турнирда омад ва ғалаба ёр бўлишини тилайди ҳамда ушбу муҳим воқеани диққат билан кузатиб, натижалар ҳақида сизга тезкор маълумот бериб боришда давом этади.

Ҳамюртимиз Нурсултон Рўзибоевнинг UFCдаги навбатдаги жангига саноқли соатлар қолди! Унинг имкониятларини қандай баҳолайсиз? «Замин»ни Telegram’да ўқинг!