Европа футболида янги истеъдодлар саҳнага чиқишда давом этмоқда. "Барселона" ўз сафини ёш ва умидли футболчи Руни Бардагжи билан тўлдирди. Йигит Испанияга етиб келгани биланоқ мухлислар ва ОАВнинг диққат марказига тушди.
Футболчи айни дамда жамоа билан танишиш жараёнида бўлиб, аэропортда унга журналистлар томонидан бир неча саволлар берилди. Бардагжи шундай деб жавоб қайтарди: “Бу ерда эканимдан жуда хурсандман. "Барселона" каби катта клубнинг бир қисмига айланганим — мен учун орзунинг рўёби”.
Ушбу трансфер расман эълон қилинганидан сўнг, футболчи 2 миллион евро эвазига Даниянинг “Копенгаген” клубидан “Барса”га ўтгани маълум бўлди. Мазкур келишув футболчига янги имкониятлар эшигини очиши ва унинг фаолиятида муҳим босқич бўлиши кутилмоқда.
Руни Бардагжи Европа футболини кузатувчи мутахассислар орасида анча олқишга сазовор бўлган. Унинг ёшига қарамасдан, ўйин услуби, техникаси ва қарор қабул қилишдаги тезкорлиги билан ўзига хос футболчи экани таъкидланади.
Каталония клуби сўнгги йилларда ёшлар сиёсатига алоҳида эътибор қаратмоқда. Рунининг жамоага қўшилиши шу стратегиянинг мантиқий давоми бўлиб, у келажакда “Камп Ноу”даги асосий фигуралардан бирига айланиши мумкин.
Айни пайтда, Бардагжи жамоа сафида тайёргарлик машғулотларини бошлаш арафасида. Унинг илк чиқишини мухлислар катта қизиқиш билан кутишмоқда.
Футболчига янги клубда омад ва муваффақият тилаймиз. Унинг “Барса” тарихидаги саҳифаси энди бошланмоқда. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
