Европа трансфер бозорида Маркус Рэшфорднинг “Барселона”га ўтиши муҳокамалар марказида. Англия футболи афсонаси, “Манчестер Юнайтед”нинг собиқ ҳимоячиси Рио Фердинанд бу янгиликка ўз муносабатини билдириб ўтди.
Фердинанднинг сўзларига кўра, Рэшфорд “Барса” сафида тўлиқ очилиши ва янги босқичга чиқиши мумкин: “Маркус бу жамоада бошқа ҳужумчилар билан янги нарсаларни синаб кўриши лозим. Бунинг учун унда барча имкониятлар бор. Ишончим комилки, у барчани ҳайратда қолдира олади”. Муттахассиснинг фикрича, айнан “Барселона”да унга керакли шароитлар ва янги имкониятлар яратилади.
Бундан ташқари, Фердинанд немис мутахассиси Ханс-Дитер Фликнинг тактик ёндашуви ва жамоа ўйин услуби Рэшфорднинг кучли томонларига мос келишини алоҳида таъкидлади. “Унинг динамикаси, тезлиги ва тўп билан ишлаш маданияти айнан Флик тузмоқчи бўлган янги жамоа учун мос келади”, — дейди Фердинанд.
Эслатиб ўтамиз, Рэшфорд ўтган мавсумни “Манчестер Юнайтед”да бошлаб, қишда “Астон Вилла”га ижарага берилганди. Якунланган мавсумда у 41 учрашувда майдонга тушиб, 11 та гол ва 9 та голли пас билан жамоадошларини хурсанд этди.
Футбол жамоатчилигида бу трансферга қизиқиш юқори: мухлислар ва экспертлар Рэшфорднинг “Барселона” сафида қандай натижа қайд этишини кутмоқда. Фердинанднинг самимий фикрлари эса, янги мавсумда англиялик юлдуз учун ишонч ва мотивация манбаси бўлиши мумкин.
Якунда айтиш мумкин: “Барселона”даги янги саҳифа Маркус Рэшфорд учун катта синов ва имкониятларни очиши мумкин. Уни олдинда янги ҳужум тандемлари, замонавий ўйин услуби ва мураббий Фликнинг катта лойиҳалари кутмоқда. Мухлислар эса ушбу ўзгариш натижасини сабрсизлик билан кутишмоқда. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
