Оксана Чусовитина Гиннеснинг рекордлар Китобига киритилди » Ўзбекистон янгиликлари – Zamin.uz
12-12-2016 | 22:47 ZAMIN.UZ / Спорт / 12 Декабр 2016
383

Оксана Чусовитина Гиннеснинг рекордлар Китобига киритилди

Оксана Чусовитина Гиннеснинг рекордлар Китобига киритилди

Ўзбекистонлик 41 ёшли гимнастикачи Оксана Чусовитина Гиннеснинг рекордлар Китобига киритилди. Бу ҳақда Sputniknews-uz.com хабар берди.

У ижтимоий тармоқдаги сурати остига "Энди мен расман Гиннесснинг рекордлар китобига киритилдим", деб изоҳ қолдирган. Оксана Олимпиада ўйинларида кетма-кет етти марта (1992, 1996, 2000, 2004, 2008, 2012, 2016) иштирок этган гимнастикачи сифатида Гиннеснинг рекордлар китобидан жой олди.
Оксана Чусовитина Гиннеснинг рекордлар Китобига киритилди

Спорт гимнастикаси бўйича Ўзбекистон терма жамоаси аъзоси Оксана Чусовитина 1975 йил 19 июнда Бухоро шаҳрида таваллуд топган. 1992 йилда Барселона шаҳрида ўтказилган Олимпиада ўйинларида дастлабки олтин медални қўлга киритган. Спортчи 2006-2012 йилларда оилавий муаммолари сабаб Германияда яшашига тўғри келган ва шу йиллар давомида ўтказилган мусобоқаларда Германия терма жамоаси сафида иштирок этган. 2013 йилдан яна Ўзбекистон термаси таркибига қайтган.

Оксана Чусовитина фаолияти давомида Осиё ўйинлари чемпиони, жаҳон кубоклари соҳиби, уч карра жаҳон чемпиони, Европа чемпиони унвонига сазовор бўлган.

Zamin.uz нинг Telegram’даги расмий каналига обуна бўлиб, янгиликлардан хабардор бўлинг.