Мухлислар интиқлик билан кутган УЕФА Чемпионлар лигасининг умумий босқичи илк турида “Манчестер Сити” ўз майдонида Италиянинг кучли жамоаларидан бири — “Наполи” билан тўқнаш келади. Бу баҳс Европадаги энг қизиқарли ва таъсирчан учрашувлардан бири бўлиши кутилмоқда.
Беллашувдан олдин нуфузли халқаро спорт порталлари жамоаларнинг эҳтимолий таркибини эълон қилишди. Уларнинг фикрича, ҳар икки жамоа ҳам майдонга энг кучли ва тажрибали футболчиларини тушириши мумкин.
“SportsMole” тахминига кўра, “Манчестер Сити” асосий дарвозабон сифатида Жанлуижжи Доннаруммани майдонга туширади. Ҳимоя чизиғида Льюис, Рубен Диаш, Гвардиол ва Аке жой олиши кутилмоқда. Ярим ҳимояда эса Родри, Нико ва Савиньо ўйинни бошлаб бериши мумкин. Ҳужум чизиғида Фил Фоден, Жереми Доку ҳамда тўпурар Эрлинг Холанднинг майдонга чиқиши тахмин қилинмоқда. “Наполи”да эса Милан Милинкович-Савич қаторидан Ди Лоренцо, Беукема, Буонжорно ва Спинаццола майдонга тушиши мумкин. Ярим ҳимояда Лоботка, Политано ва Ангиссага ишонилади, ҳужумда эса Де Брюйне, Мактоминей ва Хойлунд тандемини кўриш эҳтимоли катта.
“WhoScored” портали эса ўз навбатида бироз бошқача таркибни таклиф қилди. Уларга кўра, “Сити”нинг дарвозасини Траффорд қўриқлаши мумкин. Ҳимояда Льюис, Диаш, Гвардиол ва ўзбекистонлик ёш футболчи Абдуқодир Ҳусановнинг майдонга тушиши тахмин қилинган. Ярим ҳимояда Родри, Нико ва Савиньо ҳаракат қилиши мумкин, ҳужум чизиғида эса Фоден, Бобб ва Холанднинг ўйини кутилади. “Наполи”да эса Милан Милинкович-Савич қаторидан Ди Лоренцо, Беукема, Буонжорно ва Спинаццола майдонга тушиши мумкин. Ярим ҳимояда Лоботка, Политано ва Ангиссага ишонилади, ҳужумда эса Де Брюйне, Мактоминей ва Хойлунд тандемини кўриш мумкин.
“OneFootball” эълон қилган эҳтимолий таркибда эса яна ўзгаришлар бор. Уларнинг тахминига кўра, “Манчестер Сити” сафида Доннарумма, Нуньес, Ҳусанов, Гвардиол, О’Райли, Родри, Нико, Савиньо, Фоден, Доку ва Холанд асосий таркибда майдонга тушиши мумкин.
Шундай қилиб, турли манбалар турли тахминларни тақдим этмоқда. Аммо бир нарса аниқ — бу учрашув нафақат жамоаларнинг кучини, балки янги футболчиларнинг мослашуви ва устозлар тактикасини ҳам синовдан ўтказадиган муҳим баҳс бўлади.
Мухлислар учун бу беллашув нафақат натижа, балки майдондаги ҳар бир ҳаракат, тактик тўқнашув ва юлдуз футболчиларнинг ўйини билан ёдда қолиши кутилмоқда.
«Замин»ни Telegram’да ўқинг!
