Ўзбекистонда Формула-1 мусобақаси ўтказилиши мумкин

Британиялик машҳур автожурналист Жо Сейвуднинг ёзишича, Ўзбекистон ҳукумати мамлакат ҳудудида Формула-1 мусобақасининг бир босқичини ўтказишни кўриб чиқмоқда.

Маълумотларга кўра, Ўзбекистон вакили яқинда Сингапур Гран-приси пайтида пойгачилар базасида учрашув ўтказган ва айнан шу ерда Тошкент ёки бошқа шаҳарда мусобақани ташкил этиш имконияти муҳокама қилинган.

Ҳозирги пайтда Формула-1 босқичлари Осиё ва Яқин Шарқдаги саккизта мамлакатда — Баҳрайн, Хитой, Япония, Саудия Арабистони, Озарбайжон, Сингапур, Қатар ва БААда ўтказилади. Агар Ўзбекистон ушбу рўйхатга қўшилса, бу мамлакатнинг халқаро автоспортдаги нуфузини ошириши мумкин.