21:18 / 15.10.2025

UFC'нинг кузги марафони: октагонда катта жанглар кетма-кетлиги бошланмоқда

Куз фасли UFC мухлислари учун ҳақиқий адреналин мавсумига айланмоқда. Октябрь ва ноябр ойлари октагонда катта исмлар ва тажрибали жангчилар тўқнашувига бой бўлади. Яқин икки ҳафтада жанг санъати оламида шов-шувли тўқнашувлар кутилмоқда.

18 октябрь — “UFC Vancouver”
Бу кеча Ренье де Риддер ва Брендан Аллен баҳси билан бошланади. Шунингдек, Кевин Холланд ва Мэлотт Майк ўртасидаги жанг ҳам жуда қизиқ бўлиши кутилмоқда. Вера ва Захаби баҳси эса турнирнинг энг кутилган воқеаларидан бири бўлади.

- Ренье де Риддер – Брендан Аллен
- Кевин Холланд – Мэлотт Майк
- Марлон Вера – Айман Захаби

25 октябрь — “UFC 321”
Йилнинг энг кучли турнирларидан бири саналади. Том Аспиналл Сирил Ганга қарши октагонга чиқади — бу оғир вазндаги ҳақиқий супер тўқнашув бўлади. Шу билан бирга, Вирна Яндироба Маккензи Дёрнга қарши чиқади, Александр Волков эса Жаилтон Алмейда билан куч синашади. Ёш Умар Нурмагомедовнинг Марио Баутистага қарши баҳси ҳам катта қизиқиш уйғотмоқда.

- Том Аспиналл – Сирил Ган
- Вирна Яндироба – Маккензи Дёрн
- Александр Волков – Жаилтон Алмейда
- Александр Ракич – Азамат Мурзаканов
- Умар Нурмагомедов – Марио Баутиста

1 ноябрь — “UFC Vegas 110”
Бу кеча нисбатан янги жангчилар учун имконият бўлади. Стив Гарсия Дэвил Онамага қарши, Кортес-Акоста эса Анте Делияга қарши жанг қилади. Ҳар икки жангчи учун ғалаба уларнинг карьерасида янги босқич бўлиши мумкин.

- Стив Гарсия – Дэвил Онама
- Кортес-Акоста – Анте Делия

8 ноябрь — “UFC Vegas 111”
Габриэл Бонфим ва Рэнди Браун баҳси UFC'нинг ўрта вазндаги энг қизиқ тўқнашувларидан бири сифатида қайд этилмоқда. Шунингдек, Рики Симон ва Раони Барселос жанги ҳам мухлисларни бефарқ қолдирмайди. Даря Железнякова ва Луана Сантос баҳси эса аёллар тоифасидаги энг кутилган дуэллардан бири бўлади.

- Габриэл Бонфим – Рэнди Браун
- Рики Симон – Раони Барселос
- Даря Железнякова – Луана Сантос

UFC'нинг кузги жадвали нафақат янги чемпионлар, балки янги юлдузлар пайдо бўлишига ҳам сабаб бўлади. Октагонда эҳтирос, жанг ва ирода бирлашадиган бу кечалар мухлислар учун узоқ вақт эсда қоладиган спорт фестивали бўлиши шубҳасиз.