"Брентфорд" ярим ҳимоячиси Жордан Ҳендерсон "Ливерпул"нинг сўнгги ўйинлардаги муаммолари ҳақида фикр билдирди. У собиқ жамоасининг натижалари сустлашганини тан олди, аммо "Ливерпул" ҳали ҳам кучли эканини таъкидлади.
Euro-football.ru ёзишича, Ҳендерсон бу фикрларини ТНТ Спортс билан суҳбатда айтган. Арне Слот бошқарувидаги "Ливерпул" барча мусобақаларда сўнгги олти ўйиндан бештасида мағлуб бўлди.
Англия Премьер-лигасида эса "қизиллар" кетма-кет тўрт учрашувда ютқазди. Охирги мағлубият "Брентфорд"га қарши якшанба куни бўлиб ўтди ва 2:3 ҳисоби билан якунланди.
Ҳендерсон "Ливерпул" таркибида заиф томонларни кўрмаётганини айтди. У жамоа ҳозирча натижаларда қийинчиликка дуч келаётганини, бироқ тез орада ўйинини тиклаб, муваффақиятга эришишига ишонишини билдирди.
Ҳендерсон "Ливерпул"да 12 йил ўйнаган ва бир неча йил жамоа сардори бўлган. Айни пайтда, Премьер-лига жадвалида "Ливерпул" тўққиз турдан сўнг олтинчи ўринда бормоқда.
"Брентфорд" эса ўнинчи поғонани эгаллаб турибди.
Меҳмон гуруҳидаги фойдаланувчилар ушбу мақолага изоҳ қолдира олмайди.
